SA80

SA80
	; ; Ur fuzuilh-arsailh L85A2
Kinnig
Bro	Rouantelezh-Unanet
Doare	Fuzuilh-arsailh damaotomatek/aotomatek (L85); Fuzuilh-vindrailher skañv (L86 LSW); Karabinenn (L22); Fuzuilh-kelenn (L98)
Mont en-dro	Tennata dre amprest gazoù, dre piston, bullpup
Munisionoù	4,85 × 49 mm (stumm arnodel); 5,56 × 45 mm NATO
Produerien	Royal Small Arms Factory; Royal Ordnance
Mare produiñ	Adalek 1985
Mare implij	1985 – bremañ (er British Army)
Perzhioù teknikel; (stumm L85A2)
Mas (hep kartouchenn)	4,98 kg
Hirder	785 mm
Hirder ar c'hanol	518 mm
Lusk-tennañ	610 - 775 tenn/mn
Tizh mont e-maez ar boledoù	930 - 940 m/s
Endalc'h	Kargerioù fiñv 30 pe 60 kartouchenn; Karger fiñv 20 kartouchenn (stumm karabinenn)
Adstummoù	L85A1, L85A2, L86 LSW, L22, L98
Lezenn
Rummad e Bro-C'hall	A; Stumm L98 : rummad B

An SA80 (evit Small Arms for 1980's, armoù hiniennel evit ar bloavezhioù 1980) zo ur rummad armoù-skoaz hiniennel e servij er British Army abaoe 1985. Diazezet int holl war ar memes gwikefre bullpup, ha kambret int e 5,56 × 45 mm, unan eus kartouchennoù standart AFNA.

Istor ha deskrivadur

E dibenn ar bloavezhioù 1960 e fellas da arme Breizh-Veur kaout ur rummad armoù-skoaz nevez evit kemer plas reoù koshoc'h evel ar fuzuilh L1A1. Pa gemennas AFNA e 1977 e oa o vont da zibab ur gartouchenn standart nevez, ar Royal Small Arms Factory e Enfield a savas ar munision 4,85 × 49 mm. Ur fuzuilh a voe ijinet evit ar munision nevez-mañ gant an arsanailh saoz : adkemer a rejont kalz pezhioù eus an AR-18, en ur lakaat anezhe en un doare bullpup adkambret e 4,85 mm. Ur sistem tennata dre amprest gazoù gant ur piston a oa dezhi^[1].

AFNA a embannas bezañ choazet ar 5,56 mm e 1980, hag adkambret e voe fuzuilh nevez arsanailh Enfield evit ar gartouchenn-mañ. Daleet e voe he implij ofisiel abalamour da vrezel an Inizi Maloù (1982), e-touez darvoudoù all^[1].

E miz Here 1985, a-benn ar fin, e voe kinniget en ur mod publik an arm nevez, anvet SA80. E-touez e stummoù disheñvel e oa ^[2]:

ur fuzuilh-arsailh, anvet L85A1 ;
ur fuzuilh-vindrailher (L86A1 LSW, Light Support Weapon), heñvel a-walc'h ouzh ar fuzuilh-arsailh, gant ur c'hanol hiroc'h ha ponneroc'h, hag un daoubez^[3];
ur stumm karabinenn berroc'h (L22), evit an ekipajoù tankoù ;
un doare fuzuilh-kelenn, anvet L98, bet tennet he sistem amprest gazoù ha kemmet diavaez he c'hulasenn evit gellet adarmiñ anezhi gant an dorn^[4].

War an dachenn e tiskouezas bezañ siek e e meur a geñver : n'halle ket bezañ tennet gant ur c'hleiziad, terriñ a rae buan he skoer, koll a rae ingal he c'harger, ha ne strinke ket mat he douilhezioù, e-touez kudennoù all. E gwirionez oa bet dibabet hep bezañ bet amprouet mat gant an arme. Abalamour d'ar strishadurioù war ar budjed divizet gant Margaret Thatcher, ijinourien Enfield a oa bet rediet da sevel un arm hag a gouste 250£ d'ar muiañ, pa oa war-dro 500£ koust ar fuzuilhoù-arsailh produet e broioù all er mare-se. Amprouennoù graet en Alamagn diwezhatoc'h a ziskouezas e tenne ar fuzuilh he-unan pa gouezhe war al leur^[2].

Kalz klemmoù a savas e-touez ar soudarded, a oa displijet-bras gant an arm. Adalek 1997 e voe gwellaet ha produet gant an embregerezh alaman Heckler & Koch^[5], pa oa bet serret ar Royal Small Arms Factory e 1988. Diskouez a reas an eil stumm (L85A2) bezañ fiziaploc'h e emgannoù brezel Afghanistan ha brezel Irak. Tro 200.000 fuzuilh L85A1 a voe gwellaet e L85A2 diwar an 320.000 produet^[1].

Ur stumm modernaet (L85A3) a vez pourveziet d'ar soudarded vreizhveuriat abaoe 2018. Skañvaet eo bet. Reilhoù Picatinny ha livioù nevez zo dezhi^[1].

Levrlennadur

(en) FERGUSON Jonathan, THORNEYCROFT TO SA80: British Bullpup Firearms, 1901–2020, Headstamp Publishing, 2020, ISBN 9781733424622

Daveennoù

↑ ^1,0 ^1,1 ^1,2 ha ^1,3 (en) POPENKER Maxim, Enfield SA-80: L85A1 L85A2 L85A3 assault rifle (UK), Modern Firearms (lennet d'ar 15/02/2026)
↑ ^2,0 ha ^2,1 (en) MEEK James, Off target, The Guardian, 10/10/2002 (lennet d'ar 15/02/2026)
↑ (fr) McNAB Chris, Armes à feu Encyclopédie visuelle, L'Imprévu, 2022, p. 270
↑ (en) McCOLLUM Ian, SA80 History: L98A1 Cadet Manually-Operated Rifle, Forgotten Weapons, 27/05/2017 (lennet d'an 13/02/2026)
↑ (en) SA80 Individual Weapon, British Army (lennet d'ar 15/02/2026)

Stag eo ar bajenn-mañ ouzh Porched an Armoù-tan

[:0-1] 1,0 ^1,1 ^1,2 ha ^1,3 (en) POPENKER Maxim, Enfield SA-80: L85A1 L85A2 L85A3 assault rifle (UK), Modern Firearms (lennet d'ar 15/02/2026)

[:1-2] 2,0 ha ^2,1 (en) MEEK James, Off target, The Guardian, 10/10/2002 (lennet d'ar 15/02/2026)

[3] (fr) McNAB Chris, Armes à feu Encyclopédie visuelle, L'Imprévu, 2022, p. 270

[4] (en) McCOLLUM Ian, SA80 History: L98A1 Cadet Manually-Operated Rifle, Forgotten Weapons, 27/05/2017 (lennet d'an 13/02/2026)

[5] (en) SA80 Individual Weapon, British Army (lennet d'ar 15/02/2026)

[1]

[2]

[3]

[4]

[5]