Krign-bev ar skevent
.jpg)
| Iskevrennad eus | respiratory system cancer, lung disease, lung neoplasm, kleñved  |
|---|---|
| Efed | marv |
| Studiet gant | pulmonology |
| Dibarder mezegel | onkologiezh, pulmonology |
| Medical examination | radiography, tomografiez jedet, bronchoscopy, biopsy |
| Anatomical location | human lung |
| Risk factor | butuniñ |
| ICD-9-CM | 162.3, 162.5, 162.8, 162.4 |
| ICPC 2 ID | R84 |
| Wikimedia import URL | https://en.wikipedia.org/wiki/Lung_cancer |
Krign-bev ar skevent zo ur c'hleñved hirbad hag a zeu diwar paotadur direizh ar c'helloùigoù er skevent. Alies e teu ar c'hleñved-se dre butuniñ pe analañ danvezioù kimiek tagus. Ar c'helligoù taget a c'hell dont da vezañ niverusoc'h-niverusañ hep bezañ merzhet, betek krouiñ torzhelloù. Hep louzaouadur, an torzhelloù en em led er skevent, o labezañ ar reizhiad analañ. Gellout a ra an torzhelloù skevent treiñ da metastazoù, ha betek en em ledañ e lodennoù all eus ar c'horf.
Pa 'z eo nevez krign-bev ar skevent n'eus ket azoniad ebet ha ne c'hell bezañ gwelet nemet dre ar skeudennaouiñ mezegel. Pa gendalc'h ar c'hrign-bev da vont war-raok, darn eus an dud tapet gantañ a grog da gaout azoniadoù ha n'int ket liammet sklaer ouzh ar c'hrign-bev se, reoù liammet dre-vras gant diaesterioù analañ ez int evel: poursal, berr-analañ, pe poan vruched.
Krign-bev ar skevent eo ar c'hrign-bev a gaver ar muiañ hag a varver diwarnañ ar muiañ dre ar bed, gant 2,2 milion a dudd klañv e 2020 ha gant 1,8 milion a dud marvet. An doare krign-bev-se zo ral e-touez an dud oadet dindan 40 vloaz; keidenn oad kavadenn ar c'hleñved zo 70 vloaz. Keidenn ar marv zo 72. Ar feur kement hag an disoc'hoù zo disheñvel hervez al lec'hioù er bed, liammet int dreist-holl ouzh feur implij ar butun gant ar poblañsoù. A-raok ledanadur ar butuniñ en XXvet kantved, e oa ral evel kleñved. Er bloavezhioù 1950 ha 1960, e oa bet prouennoù anat e oa liammet krign-bev ar skevent ouzh implij ar butun, kement-mañ a oa bet o tegas kemennadennoù gant aozadurioù ar yec'hed hag ar gouarnamantoù evit klask dic'hoantañ an dud da vutuniñ.