Krampouezh dantelez
Ar c'hrampouezh dantelez pe ar gavotennoù (anv ur merk implijet dre c'hourzhanvad) zo krampouezh brusk, fin kenañ, ruilhet warno o-unan.
Istor
[kemmañ | kemmañ ar vammenn]Ar c'hrampouezh dantelez a vije bet krouet dre zegouezh gant ar Gemperadez Katell Gornig e 1886 (pe Marie-Catherine Cornic, ganet e Kerfeunteun e 1857 ha marvet e 1917). Disoñjet he dije ur grampouezhenn war ur billig hag a vije bet re boazhet. Pleget he dije anezhi : ganet e vije bet ar c'hrampouezh dantelez.
E gwirionez e oa anv dija eus krampouezh dantelez e 1835 e Montroulez ha Kemper hervez Alexandre Bouet[1]. Met ar c'hrampouezh-se a oa teuzus. Ne oant ket dreistpoazhet, ne oant nemet krampouezh toullet, skañv, met ket brusk.

Katell Gornig a voe an hini a skignas kenwerzh ar c'hrampouezh dantelez bepred, e-tro dibenn an XIXvet kantved[2]. Al labouradegoù a oa e karter istorel Lokmaria, e Kemper. Tommet e oa ar c'hrampouezh dantelez dre c'hlaou-koad e siminalioù bras war pilligoù a-stou.
Goude bezañ gwerzhet anezho hec'h-unan e Kemper ha war Aod an Emrodez he doa treuzkaset Katell Gornig he chemet da di Les Délicieuses, renet gant an Itron Tanguy. Skignet e voe ar produ en un doare etrebroadel dindan an anv crêpe dentelle.
An Ao. Hoyet a yeas war he lerc'h dindan ar merk l'Hermine d'Or. Prizioù europat a resevas.
Hiziv an deiz e vezont graet e Lokmaria c'hoazh gant Gwispiderezh Kemper. Gallout a reer gwelet ar c'hrampouezh graet unan hag unan gant an dorn.
Gavotenn eo anv all ar c'houign-se, ur merk krouet e Kemper e 1920, e karter Lokmaria[3].
Ur straed e Kemper a zoug anv Katell Gornig hiziv.
Pennad kar
[kemmañ | kemmañ ar vammenn]Daveoù
[kemmañ | kemmañ ar vammenn]- ↑ Galerie bretonne ou Vie des Bretons de l’Armorique (2) gant Olivier Stanislas Perrin ha Alexandre Bouet, embannet gant Isidore Person, Levrdiour-Embanner, Pariz, 1835, p.98.
- ↑ "Elles ont osé"- Katell Cornic, la crêpe dentelle, c'est elle! e Entreprendre.bzh.
- ↑ Mes 3 spécialités bretonnes préférées - Vos Plus Belles Destinations gant Vos Plus Belles Destinations, 2017-03-13, gwelet d'an 2017-03-13.