Krakilin
Ar c'hrakilin zo kouignoù aozet dre skaotadur. Un meuz hengounel eus Sant-Maloù ha traoñienn ar Renk eo, hag a sav d'ar Grennamzer[1]. N'eus na holen na sukr e-barzh, gant ar rekipe hengounel bepred. Ur stumm dibar zo dezho, stumm ur skudell. An anv a zeufe eus an nederlandeg « crakelinc » hag a ra dave d'ur wispidenn sec'h hag a strak dindan an dent[1].
Degaset e veze ar c'hrakilin e-bourzh o bag gant pesketaerien an Douar-Nevez gwechall peogwir e oant aes da virout pell e strad ar vag, e lienennoù lin[2].
Eeun eo an aozennoù : dour, bleud ha vioù. Ouzhpennañ a c'haller gwezherioù goellañ, holen, amann pe sukr. Splujet e vez an toaz en dour berv a-raok bezañ poazhet er forn.
Ar skaotañ a laka tarzhañ ar greun ampez a zo er gluten, ar pezh a lak ar c'hrakilin da goazhañ aesoc'h.
Gallout a ra ar c'hrakilin bezañ debret da lein, d'an digor-kalon pe da verenn-vihan.
Emañ ar c'hrakilin e-barzh Renabl broadel ar glad sevenadurel dizanvezel e Frañs abaoe mie Even 2024, diwar atiz ar pemp produer a zo c'hoazh e Bro-Sant-Maloù[2],[3],[4].
Pennadoù nes
[kemmañ | kemmañ ar vammenn]- ar bretzel, ur gouign alaman, unan all eus familh ar c'houignoù skaotet
- keginerezh Breizh
Daveoù
[kemmañ | kemmañ ar vammenn]- 1 2 https://www.craquelin.com/presentation/l-histoire-du-craquelin/ L'histoire du craquelin] war www.craquelin.com, gwelet d'an 8 a viz Meurzh 2026.
- 1 2 Bretagne : les craquelins inscrits au patrimoine immatériel de la France e actu.fr, 2024-07-11
- ↑ Savoir-faire et culture du craquelin e PCI.bzh
- ↑ Les savoir-faire et la culture du craquelin de Haute-Bretagne, 2025