Kouezhadenn Saigon

Eus Wikipedia
Sauter à la navigation Sauter à la recherche
Kouezhadenn Saigon
Tamm eus Brezel Viêt Nam etre Talbenn Broadel Dieubidigezh Su Viêt Nam ha Norzh Viêt Nam ouzh SUA ha Su Viêt Nam
CH-53 landing at Defense Attaché Office compound, Operation Frequent Wind.jpg
E-kerzh an oberiadenn Frequent Wind
Deiziad: 29 a viz Ebrel - 30 a viz Ebrel 1975
Lec'h: Saigon (Hô-Chi-Minh-Ville bremañ), Viêt Nam
Disoc'h: trec'h peurglok Talbenn broadel dieubidigezh Su Viêt Ham ha Norzh Viêt Nam, gant harp SUA
Emgannerien
Flag of Vietnam.svg Norzh Viêt Nam FNL Flag.svg Talbenn Broadel DieubidigezhFlag of South Vietnam.svg Su Viêt Nam
Frequent Wind : Banniel ar Stadoù-Unanet Stadoù-Unanet
Pennoù-brezel
Flag of Vietnam.svg Văn Tiến Dũng
Flag of Vietnam.svg Trần Văn Trà
Flag of Vietnam.svg Hoàng Cầm
Flag of Vietnam.svg Le Duc Anh
Flag of Vietnam.svg Dinh Duc Thien
Flag of Vietnam.svg Vu Lang
Flag of Vietnam.svg Nguyễn Hữu An
Flag of South Vietnam.svg Phạm Văn Đồng
Flag of South Vietnam.svg Nguyễn Văn Toàn
Flag of South Vietnam.svg Nguyen Hop Doan
Niver a emgannerien
Flag of Vietnam.svg Norzh Viêt Nam
FNL Flag.svg Talbenn broadel dieubidigezh 450 000
Flag of South Vietnam.svg Su Vietnam 35 000

Kouezhadenn Saigon pe "Dieubidigezh Saigon" (evit komunourien Viêt Nam) a reer eus kemeridigezh kêr Saigon, kêr-benn Republik Su Viêt Nam, gant lu Norzh Viêt Nam harpet gant Arme dieubidigezh Su Viêt Nam (Viet Cong) d'an 30 a viz Ebrel 1975.
An oberiadenn vilourel-se a zegasas fin brezel Viêt Nam ha fin Republik Su Viêt Nam, hag a voulc'has an hent etrezek adunvanidigezh Viêt Nam dindan stumm ur Republik sokialour gant ar Strollad Komunour en he fenn.

Repuidi viêtnamat e-kerzh an oberiadenn Frequent Wind

A-raok kouezhadenn Saigon e oa tec'het kuit an holl Amerikaned pe dost, soudarded ha trevourien, a oa staliet e kêr-benn Su Viêt Nam.
Ouzhpenn-se e voe un dec'hadeg ramzel, degadoù a viliadoù a Viêtnamiz ar Su, dreist-holl ar re a oa engouestlet gant gournamant Republik Su Vietnam pe a oa harperien d'an Amerikaned e brezel Vietnam. Barr an dec'hadeg-se e voe an oberiadenn-vrezel Frequent Wind, ma voe graet ar brasañ implij eus biñsaskelloù en Istor mab-den.

Istor Kouezhadenn Saigon[kemmañ | kemmañ ar vammenn]

Diouzh an eil tu, lu Norzh Viêt Nam dindan urzhioù ar jeneral Văn Tiến Dũng ha, diouzh an tu all, lu Republik Su Viêt Nam (ARVN) dindan urzhioù ar jeneral Nguyễn Văn Toàn.

Goude Kouezhadenn Saigon[kemmañ | kemmañ ar vammenn]

Goude ma voe kemeret Saigon e voe echu gant Republik Su Viêt Nam hag an holl strolladoù liammet ganti, lu Republik Su Vietnam en o zouez. Ouzhpenn da-se e kendalc'has annezidi kêr Saigon da vont etrezek ar maezioù a-benn pellaat diouzh nerzh ar Strollad Komunour a oa e penn an traoù. Kement-mañ ha tec'hadeg vras an 30 a viz Ebrel 1975 a ziazezas ar gêr nevez anvet Hồ Chí Minh Ville ("Kêr Hồ Chí Minh").
D'ar 7 a viz Mae 1975 e voe aozet gant ar gouarnamant nevez ur vanifestadeg vras a-benn lidañ an trec'h.

Er bloavezh 1977, hervez an National Review, e voe brasjedet ez eus bet kement ha 30 000 a Vietnamiz ar Su a zo bet lazhadeget gant al lu Norzh Vietnamat ; diwar implij listennoù bet savet evit ar CIA ha lezet e Saigon gant labourerien kannadti ar Stadoù-Unanet ez eur deuet d'an niver-se.

Un devezh dilabour anvet Devezh an Adunvaniezh pe c'hoazh Devezh an Dieubidigezh (Ngày Giải Phóng e vietnameg) eo an 30 a viz Ebrel e Viêt Nam hiziv, abaoe an 2 a viz Gouere 1976 hepken avat.

Kouezhadenn Saigon hiziv an deiz[kemmañ | kemmañ ar vammenn]

Un arouez bev buhezek e chom devezh kouezhadenn Saigon hiziv an deiz c'hoazh : lidadeg ofisiel Devezh an Dieubidigezh eo hervez renad komunour Republik Viêt Nam ; lidadeg un deiziad kañv eo avat hervez repuidi Republik Su Viêt Nam hag enebourien ar renad komunour, pa lakaont an 30 a viz Ebrel da Tháng Tư Đen ("Ebrel Du").

Levrlennadurezh[kemmañ | kemmañ ar vammenn]

  • (fr) Jean Lartéguy, L'Adieu à Saïgon, Presses de la Cité, Pariz, Bro-C'hall, 1975 – ASIN: B004QYYJT4