Kleopatra VII
| Reizh pe jener | plac'h  |
|---|---|
| Bro ar geodedouriezh | Ptolemaic Kingdom |
| Anv e yezh-vamm an den | Κλεοπάτρα Φιλοπάτωρ |
| Anv-bihan | Κλεοπάτρα |
| Titl noblañs | Faraon |
| Deiziad ganedigezh | 13 Genver 69 BCE |
| Lec'h ganedigezh | Aleksandria |
| Deiziad ar marv | 12 Eost 30 BCE |
| Lec'h ar marv | Aleksandria |
| Doare mervel | emlazh |
| Abeg ar marv | ampoezonet |
| Lec'h douaridigezh | Aleksandria, Tomb of Antony and Cleopatra |
| Tad | Ptolemy XII Auletes |
| Mamm | Cleopatra V of Egypt |
| Breur pe c'hoar | Cleopatra Tryphaena, Berenice IV of Egypt, Arsinoe IV of Egypt, Ptolemy XIII Theos Philopator, Ptolemy XIV of Egypt |
| Pried | Ptolemy XIII Theos Philopator, Ptolemy XIV of Egypt, Marcus Antonius |
| Kompagnun(ez) | Gnaeus Pompeius Magnus, Caius Julius Caesar |
| Bugel | Caesarion, Cleopatra Selene II, Alexander Helios, Ptolemy Philadelphus |
| Familh | Tierniezh ar Btolemeed |
| Yezh vamm | Koine Greek |
| Micher | penndiern, monark |
| Karg | Faraon |
| Patient of | Olympus |
| Strollad etnek | Greeks in Egypt |
| Perzhiad e | banquet of Antony and Cleopatra |
| Brezel | Emgann Actium |
| Ezel eus | Three Beauties of the World, Antony and Cleopatra |
| Significant place | Henegipt |
| Present in work | Civilization VI, Divina Commedia |
| Prantad | Greco-Roman Egypt, Marevezh hellenadek, Tierniezh ar Btolemeed, history of Ptolemaic Egypt |
| Deskrivet en URL | http://www.oxfordreference.com/view/10.1093/acref/9780195382075.001.0001/acref-9780195382075-e-0466?rskey=rry5UE&result=467 |
Kleopatra VII Thea Philopator , Κλεοπάτρα Φιλοπάτωρ en henc'hresianeg (69 kent JK[1] – 12 a viz Eost 30 kent JK), anvet peurliesañ Kleopatra hepken, a oa faraonez diwezhañ Henegipt.
Kleopatra VII, rouanez Egipt.
Kleopatra VII e templ Armant dirak an doueezed Hathor hag Anuket.
Diwezhañ ezel eus tierniezh ar Btolemeed e oa, ur familh a orin gresian-ha-makedonian[2] a renas Henegipt goude marv Aleksandr Veur e-pad ar prantad hellenistek. Da gentañ e renas Kleopatra asambles gant he zad Ptolemaios XII Auletes ha diwezhatoc'h gant he breudeur, Ptolemaios XIII ha Ptolemaios XIV, a voe euredet ganti hervez gizioù an Henegiptiz, hogen en diwezh e teuas da vezañ ar galloud nemeti. N'he deus bet bugel ebet gant ar priedoù-se. Serc'h Julius Caesar e teuas da vout, pezh a greñfaas he zron. Diwezhatoc'h e lakaas ar mab he doa bet gant Julius Caesar, Caesarion, da ren asambles ganti.
Goude drouklazh Julius Caesar e 44 kent JK, ec'h enebas ouzh Marcus Antonius a zeuas da vezañ hêr Caesar hervez al lezenn, Gaius Julius Caesar Octavianus (anvet diwezhatoc'h Augustus). Gevelled he doa bet gant Marcus Antonius, Kleopatra Selene II hag Aleksandr Helios, hag ur mab all, Ptolemaios Filadelfos. Goude bezañ bet trec'het en emgann Actium gant armeoù Octavianus, en emlazhas Marcus Antonius. Kleopatra en em jahinas ivez war e lerc'h, gant flemmadenn un naezr diouzh an hengoun, d'an 12 a viz Eost, 30 kent JK[3]. Faraon e oa anvet he mab Caesarion, war lerc'h he marv gant e harperien, met drouklazhet e oa bet diwar urzh Octavianus. He rouantelezh a zeuas da vezañ proviñs roman Egipt.
Betek hirie an deiz eo chomet brudet Kleopatra e sevenadur ar C'hornôg. He c'houn a gaver bev mat dalc'hmat e-barzh a-bep seurt oberennoù arz. Gallout a reer menegiñ trajedienn William Shakespeare Anton ha Kleopatra, opera Jules Massenet, Cléopâtre, ha film 1963 Cleopatra. E-barzh kalzig a zeskrivadurioù e taneveller Kleopatra e giz un dekenn, hag e vez lakaet ar gaoz war he darempredoù stank he deus bet gant galloudusañ gwazed kempred ar bed. Diwar-se e klasker goulakaat ha diazezañ e oa mistr tre ha kenedus.
En e Pensées ec'h embann Blaise Pascal eo gant he c'hened e oa kemmet istor ar bed : ma vije bet berroc'h "Fri Kleopatra, dremm ar bed a-bezh a vije bet cheñchet."[4]
Notennoù
[kemmañ | kemmañ ar vammenn]- ↑ Walker, p. 129.
- ↑ The Oxford Encyclopedia of Ancient Egypt. “,Kleopatra VII a oa merc'h Ptolemaios XII Auletes (80–57 kent JK, faraon etre 55 ha 51 kent JK) ha kleopatra, gresianed-ha-Makedoniz o-daou."
- ↑ "Who Was Cleopatra?", p 2, Smithsonian Magazine
- ↑ title The Beauty of Cleopatra, University of Chicago
| En he raok Ptolemaios XIII |
Kleopatra VII Tierniezh Ptolemaek adalek -51 betek -30 |
War he lerc'h Impalaeriezh roman |