Ki polis
Ur c'hi polis, anavezet evel K-9 er broioù saoznek (heñvelson gant "canine")[1] [2], a vez graet eus ur c'hi hag a zo bet gourdonet evit harpañ ar polis pe kement nerzh surentez foran zo. Kefridioù ar chas polis zo ledan, eus klask dramm ha danvez-tarzh, klask tud steuziet, kavout prouennoù war lec'hioù torfed, gwareziñ poliserien pe hiniennoù all, ha tagañ suspedoù hag a glask tec'hout diouzh ar polis. Ar gouennoù implijetañ gant an nerzhioù surentez eo ar mesaer-deñved alaman, ar malinois, ki Sant-Hubert, ar mesaer-deñved izelvroat, hag al labrador retriever[3]. Er bloavezhioù tremenet, ar malinois belgiat a zo deuet da vezañ ar c'hi implijetañ gant ar polis pe an arme peogwir eo gwelet evel ur marc'h-labour, bihan a-walc'h ha fiñvus. Ar mesaer-deñved alaman a chom ar ouenn chas implijetañ memestra[4].
Ar chas polis a zo implijet gant nerzhioù broadel koulz ha reoù rannvroel er bed a-bezh. Graet e vez gant an anv-kod K-9 unit e saozneg[5]. [6]. Gourdonadenn diazez ur c'hi polis a bad etre 8 miz hag ur bloaz, hervez resisted ar c'hefridioù a vo fiziet er c'hi. Ar chas polis o deus gourdonadennoù boas gant ar poliser a ra war o zro evit ma chomfe kreñv al liamm etrezo, ha sklaer kefridioù al loen[7]. E kalz broioù, lazhañ pe gloazañ ur c'hi polis en un mod youlek zo un torfed[8][9].
Notennoù ha davenenoù
[kemmañ | kemmañ ar vammenn]- ↑ About K-9s. National Police Dog Foundation. “K-9 or K9 (a homophone of canine)”
- ↑ (fr) https://police.public.lu/fr/votre-police/services-et-unites/groupe-canin.html
- ↑ What Do K-9 Police Dogs Do?. American Kennel Club (3 September 2021).
- ↑ What Breeds Make the Best drugs Dogs (28 October 2020). “German Shepherd Dog. The typical breed associated with law enforcement work.”
- ↑ K9 Unit: Duties and Responsibilities. New York State Department of Environmental Conservation. “They are expected to follow both verbal and hand commands of their handler.”
- ↑ (fr) https://www.ulaval.ca/etudes/chantiers-davenir/brigade-canine-cyber-k9
- ↑ FAQs. AMSOIL Northland Law Enforcement K-9 Foundation (2021).
- ↑ 18 USC 1368 – Harming Animals Used in Law Enforcement. United States Code (26 October 2015).
- ↑ "Police dogs and horses to receive special protections in South Australia", ABC News, Australian Broadcasting Corporation (26 August 2013).