Karr hobregonet (milourel)
| Iskevrennad eus | karbed stourm hobregonet  |
|---|---|
| Armament | Mindrailherez, Kanol (kanolierezh) |
Ur c'harr hobregonet a vez graet eus ur c'harbed stourm milourel gant un hobregon ha rodoù. En istor e oa implijet da gentañ evel karbed enaouer evit sklêrijennañ un dachenn, ambrougerezhoù armet, surentezh dibarzh, ha kefridioù all liammet gant un dachenn-emgann.[1] Gant ma oa o tigreskiñ implij ar varc'hegiezh, ar c'hirri hobregonet a oa bet krouet evit seveniñ ar c'hefridioù a oa graet gant ar marc'hegerezh skañv.[2] Memes goude donedigezh an tankoù, ar c'hirri hobregonet a oa chomet implijus-tre dre o nerzh fiñv bliv, o c'houst marc'had-mat ha dre ma oant aes da gempenn. Implijet e oant bet alies gant luioù trevadennel evel arm marc'had-mat hag aes da zezougen e rannvroioù isdiorreet.[3] E-kerzh an Eil Brezel-bed, darn eus ar c'hirri hobregonet a oa bet savet evit oberoù sklêrijennañ, lod all evit ar c'hefridioù kehentiñ. Lod all a oa bet dafaret gant armoù ponneroc'h evit bezañ implijet evel harp-tan e-serr karbedoù biskoulet. Evit ar re-se e oa kefridioù resis e-kerzh un emgann evel heuliañ nerzhioù enebour o kilañ, tagañ a-gostez, dreist-holl e-kerzh Kampagn Norzh Afrika.[3]
Notennoù ha daveennoù
[kemmañ | kemmañ ar vammenn]- ↑ Lepage, Jean-Denis G.G. (7 March 2007). German Military Vehicles of World War II: An Illustrated Guide to Cars, Trucks, Half-Tracks, Motorcycles, Amphibious Vehicles and Others, 2007, McFarland & Company. 169–172 p. ISBN 978-0786428984.
- ↑ Bull, Stephen (2004). Encyclopedia of Military Technology and Innovation, 2004, Greenwood Publishing Group. 19–20 p. ISBN 978-1573565578.
- ↑ 3,0 ha3,1 Bradford, James (2006). International Encyclopedia of Military History, 2006, Routledge Books. 97–98 p. ISBN 978-0415936613.