Karbed stourm hobregonet
| Iskevrennad eus | karbed stourm, karbed hobregonet  |
|---|---|
| Oberataer | Afghan National Army, Albanian Joint Forces Command |
| Category for the view of the item | Category:Armored fighting vehicles by view |
Ur c'harbed stourm hobregonet a vez graet eus ur c'harbed stourm gwarezet gant un hobregon, ur c'hemmesk int etre fiñvusted ha galloud argadiñ kement ha difenn. Gellout a reont bezañ dafaret gant rodoù pe biskoulet. Lod eus ar c'harbedoù stourm hobregonet a zo tankoù, met stummoù lies anezho a zo ouzhpenn: kirri hobregonet, Kanolioù arsailh, Kanolierezh emluskek, karbedoù stourm troadegiezh, ha Karbedoù hobregonet dezougen soudarded.
Ar c'harbedoù stourm hobregonet a zo rannet hervez spispverkoù ha rolloù pep hini war an dachenn emgann. Ar rummatadur a zo ledan; div vro a c'hell rummata ar memes karbed en un doare disheñvel, hag ouzhpenn-se e c'hell kemm ar rummatadur hervez ar mare ha pa vez kavet implijoù nevez d'ar c'harbed. Da skouer, ar c'harbedoù hobregonet dezougen soudarded a zo bet erlec'hiet kalz gant karbedoù stourm hobregonet an droadegiezh hag a zo gwarezet kalz gwelloc'h met ar roll a zo chomet ar memes hini.
Dizagnoù lies a vez savet hervez ar pal a vo fiziet er c'harbed. Da skouer ar MOWAG Piranha, savet da gentañ holl evel karbed dezougen bagadoù soudarded, a servij evit kalz c'hefridioù all evel dafaret gant ur c'hanol-mortez, karbed stourm troadegiezh, ha kanol arsailh.
Ar c'harbedoù stourm hobregonet a zo bet krouet ha kroget o implij e-kerzh ar C'hentañ Brezel-bed gant ar c'hirri hobregonet, an tankoù kentañ, kanolioù emluskek, ha karbedoù hobregonet dezougen soudarded. Kalz ledanoc'h hag implijetoc'h e oant bet e-kerzh an Eil Brezel-bed, an holl armeoù a oa dafaret gant un niver uhel-mat a c'harbedoù evel-se. Ouzhpenn ar rummad karbedoù-se e oa bet krouet e-leiz a c'harbedoù disheñvel evit dezougen ar bagadoù soudarded en un doare bliv met gwarezet evit gounid fiñvusted strategel.