Kaozeal:Santi-

Brezhoneg beleg ?

Brezhoneg beleg eo "santi". Ur gantvedenn > kant—. --2.14.178.144 24 Gen 2013 da 21:05 (UTC)

Frañsez Vallée, Roparz Hemon hag Ernest ar Barzhig ne oant ket beleien anezho, ha koulskoude e reent gant "santimetr". --Yun (kaozeal) 8 C'hwe 2025 da 18:18 (UTC)

Petra zo etrebroadel ha petra n'eo ket

Gant ar BPIM ez eus bet dibabet muzulioù, rakgerioù hag o simboloù evit ma vefent implijet gant an holl vroioù a sav a-du ganto. Pep yezh a zo lezet da skrivañ ar muzulioù hag ar rakgerioù-se hervez he lizherenneg hag he reolennoù skrivañ. Ar metr, da skouer, a vez skrivet e meur a zoare :

• mètre e galleg ;
• metre pe meter e saozneg ;
• Meter en alamaneg ;
• मीटर (mīṭar) en hindi ;
• metr e kembraeg ;
• метр (metr) e rusianeg ;
• μέτρο (métro) e gresianeg ;
• metro en italianeg ;
• meter e nederlandeg ;
• מטר (matár) en hebraeg.

Gant se e weler a-walc'h n'eo ket etrebroadel ar ger mètre implijet e galleg gant ar BPIM.

Heñveldra eo gant ar rakgerioù. Ar santimetr, da skouer, a vez skrivet e meur a zoare e rakger :

• centimètre e galleg, gant ar rakger centi- ;
• centimetre pe centimeter e saozneg, gant ar rakger centi- ;
• zentimetro en euskareg, gant ar rakger zenti- ;
• Zentimeter en alamaneg gant ar rakger Zenti- ;
• सेन्टीमीटर (senṭīmīṭar) en hindi, gant ar rakger सेन्टी- (senṭī-) ;
• сантиметр (santimetr) e rusianeg gant ar rakger санти- (santi-);
• סנטימטר (sentiméter) en hebraeg gant ar rakger סנטי. (senti-).

Aze c'hoazh e weler n'eo ket etrebroadel ober gant centi-, petra bennak ma reer gant ar simbol cm en holl yezhoù-se (sellet ouzh ar pennad मोलर अवशोषण गुणांक da skouer).

Ar stumm "santimetr" zo bet dibabet gant Kreizenn ar Geriaouiñ hag Ofis Publik ar Brezhoneg. Kinnig a ran eta adenvel ar pennad-mañ "santi-"

Da glozañ gant se : etrebroadel eo an unanennoù, ar rakgerioù hag o simboloù. An doare da skrivañ an unanennoù hag ar rakgerioù n'eo ket avat. --Yun (kaozeal) 7 C'hwe 2025 da 05:07 (UTC)