Kanolierezh arvorel

Kreñvlec'hioù kastell Harbour Islands ha Porzh St. George, er Bermuda. Kroget e oa da vezañ savet e 1612. Ar c'hentañ difennoù eo a oa bet savet gant mein, da vezañ implijet evel diaz d'ar c'hanolierezh arvorel, savet gant Bro-Saoz er Bed Nevez.

Ur c'hreñvlec'h otoman en Dardanelles. An arm a zo ur c'hanol 28 cm SK L/40 alaman.

Ar c'hanolierezh arvorel a zo ur skourr eus an nerzhioù lu kefridiet da embreger kanolioù enep-listri pe gant strolladoù-kanolioù difiñv e kreñvlec'hioù eus an arvor. Hiziv-an-deiz, ar c'hanolierezh arvorel zo bet kemeret e lec'h gant misiloù enep-listri, evel an R-360 Neptune eus Ukraina.

Abaoe ar Grennamzer ha betek an Eil Brezel-bed, ar c'hanolierezh arvorel hag ar c'hanolierezh-mor e stumm kanolioù a oa pouezus evit an oberiadurioù milourel ha peurvuiañ e vezent pourvezet gant dafar uhel e deknologiezh hag arc'hantet e oant bravik. Gant donedigezh teknologiezhioù an XX^vet kantved, dreist-holl evit an aerluioù, an aervorluioù, ar c'hirri-nij jet, hag ar misiloù heñchet, implij ar c'hanolioù, al listri-hobregonet hag ar c'hanolierezh arvorel zo digresket kalz.