Kalann

Kalann
Iliz katolik an Dreinded.
Anv gallek (ofisiel)	Calan
Bro istorel	Bro-Gwened
Melestradurezh
Departamant	Mor-Bihan
Arondisamant	Arondisamant an Oriant
Kanton	Kanton Gwidel
Kod kumun	56029
Kod post	56240
Maer Amzer gefridi	Yann Guignen 2022-2026
Etrekumuniezh	An Oriant tolpad-kêrioù
Bro velestradurel	Bro an Oriant
Lec'hienn Web	(fr)Ti-kêr
Poblañsouriezh
Poblañs	1 247 ann. (2020)
Stankter	101 ann./km²
Douaroniezh
Daveennoù lec'hiañ	47° 52′ 31″ Norzh 3° 19′ 19″ Kornôg
Uhelderioù	kreiz-kêr : 100 m bihanañ 57 m — brasañ 114 m
Gorread	12,29 km²
Kalann

Kalann a zo ur gumun eus Breizh e kanton Gwidel e departamant ar Mor-Bihan .

Antre ar vourc'h

Anv

Erwan Vallerie ː Cazlan, 1387; Cozlan, 1516

Gerdarzh

• An anv a c'hellfe dont eus ar gerioù brezhonek kad (emgann) ha lann (tachenn).
• Hervez Hervé Abalain e teufe diwar un anv den Catlon, ur sant diazezer ar barrez kentidik moarvat.

Ardamezioù

Palefarzhet etre gul ha glazur; karget ar c'hlazur gant ur vrizhenn ginerminig en argant"

Istor

Parrez katolik diskennet da drev

• Kalann a c'hellfe bout bet savet diwar ul lodenn eus pennbarrez Zinzag. Emichañs e voe krouet Kalann gant ur gumuniezh relijiel. Meneget e voe parrez Kalann e titloù kuzul-chalonied Eskopti Gwened e 1387 hag ur barrez e oa c'hoazh e 1422, war a seblant
  . A-raok 1516 e voe kollet hec'h emrenerezh ganti, ha sellet e veze outi evel un drev eus parrez Lanvodan.

Dispac'h Gall

• Melestradurezh: krouet e voe ar gumun e 1790 diwar un drev eus parrez katolik Lanvodan. Gant al lezenn eus an 23 a viz Eost 1790 e voe lakaet e kanton Ploue; e Bann Henbont e oa ; chom a reas e kanton Ploue bet miret ha brasaet e 1801 gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Kalann en arondisamant An Oriant bet krouet e 1800.
• Dekred eus ar 26 a viz Du 1790 war al le ret : e 1791 e voe nac'het al le ouzh ar Roue, ar vro hag al lezennoù gant he c'hure, G. Le Doussal e anv.

XIX^vet kantved

• Pa voe adkempennet ar parrezioù e 1802 e chomas Kalann e parrez Lanvodan. Gant un ordrenañs roueel e teuas da vout ur barrez en-dro d'an 29 a viz Mezheven 1841; gwiriekaet e voe an disparti gant un dekred bet kemeret gant eskob Gwened.

XX^vet kantved

Brezel-bed kentañ

• Mervel a reas 34 gwaz abalamour d'ar brezel, da lavaret eo 4,37 % eus he foblañs e 1911.
• E miz Mae 1915 e voe disklêriet Pierre Le Cren da brefed ar Mor-Bihan gant Louise Beller-Le Béhérec, ur skolaerez : Le Cren, ur zouav yaouank eus ar gumun, en dije eztaolet komzoù faezhegel p'edo distroet d'ar gêr da gaout ehan diglañvañ.

Brezelioù didrevadennañ

Brezel Aljeria

• Mervel a reas ur soudard eus ar gumun e Bejaia d’ar 1 a viz Eost 1957 .

Brezhoneg

• Brezhoneg a weler ouzh monumant ar re varv hag ouzh ar maerdi, ha plakennoù straed divyezhek ivez.

• 
  Monumant ar re varv gant ur meneg e brezhoneg.
• 
  Plakenn leurgêr.
• 
  Plakenn straed.

Monumantoù ha traoù heverk

• 
  Ar forn.
• 
  Monumant ar re varv.

• Forn er vourc'h, XV^vet kantved, nepell diouzh an iliz katolik.
• Monumant ar re varv. E 1922 e voe echuet.

An iliz katolik

• Iliz katolik An Drinded-Santel, XI-XII^vet kantved (gant ul lodenn bet savet e penn-diwezhañ an X^vet kantved marteze...), adkempennet a-galz er XV^vet kantved.

• 
  Porched an iliz.
• 
  Delwenn.
• 
• 
  Delwenn ar Werc'hez-Vari hag ar Mabig Jezuz.
• 
• 
• 
  Delwenn ar Werc'hez-Vari hag ar Mabig Jezuz, penn-kentañ an XIX^vet kantved, ouzh an aoter-su.
• 
  Izelvos, Kemenn an Ael Gabriel d'ar Werc'hez Vari, XVI^vet kantved, ouzh an aoter-su.
• 
  Jezuz-Krist ouzh ar groaz, XV^vet kantved, skourret er c'heur.
• 
• 
  Livadenn romanek ha pileroù, penn-diwezhañ an X^vet kantved pe penn-kentañ an XI^vet kantved.
• 
  Livadenn romanek: an Ifern.
• 
  Treustoù, bolz ha livadenn romanek.

Emdroadur ar boblañs abaoe 1962

Niver a annezidi

Melestradurezh

Ar maerdi nevez (2013), e savadur ar presbital kozh

Roll maered ar gumun
Mare		Anv	Strollad	Karg
Eost 2022	→ bremañ	Yann Guiguen
Meurzh 2014	Gouhere 2022	Pascal Le Doussal
Meurzh 1983	Meurzh 2008	Serge Salvat
1790	1791	Marc Le Floch
N'eo ket anavezet c'hoazh an holl fedoù.

Tud

• Louise Beller-Le Béhérec, skolaerez ha flatrerez e-kerzh ar Brezel-bed kentañ.
• Pierre Le Cren (10 a viz Du 1894 e Kalann - 5 a viz Eost 1916 e Vaux-devant-Damloup, e departamant Meuse (Bro-C'hall), soudard yaouank er 4^re Rejimant Zouaved Bale, bet disklêriet gant ar skolaerez Louise Beller-Le Béhérec abalamour d'e gomzoù faezhegel; mervel a reas war an talbenn e 1916 e-kerzh ar Brezel-bed kentañ.
• Bernard Maligorne, c'hoarier ha gourdoner mell-droad, bet ganet e Kalann d'ar 25 a viz Even 1943.

Gevelliñ

Bro	Kêr	Abaoe
Kernev-Veur	Eglosveryan	1993

• 
  Kroaz gevelliñ bet profet gant Eglosveryan.

Liammoù diavaez

• (br) Kalann war lec'hienn Geobreizh

Levrlennadur

• (br)Ar Gouloù Gwenn n°19, genver 2022 : Kalan, parrez uvel eus bro Wened.