Jericho 941
Arabat eo droukveskañ gant Jericho (misil).| Jericho 941 | |
|---|---|
 Ur bistolenn Jericho 941F | |
| Kinnig | |
| Bro |  Israel
|
| Doare | Pistolenn damaotomatek SA/DA |
| Mont en-dro | Tennata dre argil berr |
| Munisionoù | 9 mm Parabellum .40 S&W .45 ACP 9 × 21 mm IMI .41 AE |
| Produer | IMI |
| Mare produiñ | Abaoe 1990 |
| Pouez ha muzulioù (stumm standart) | |
| Mas (hep kartouchenn) | 1,092 kg |
| Hirder | 210 mm |
| Hirder ar c'hanol | 115 mm |
| Perzhioù all | |
| Endalc'h | Karger fiñv 15 kartouchenn (e 9 mm Para) Karger fiñv 12 kartouchenn (e .40 S&W) Karger fiñv 10 kartouchenn (e .45 ACP) |
| Adstummoù | Gwelet en destenn |
| Lezenn | |
| Rummad e Bro-C'hall | B |
Ar Jericho 941 zo ur bistolenn damaotomatek produet adalek 1990 gant Israel Military Industries (bremañ Israel Weapon Industries) en Israel. Dont a ra hec'h anv eus an daou vunision implijet e stummoù kentañ an arm, an 9 mm Parabellum hag an .41 AE. Ijinet e voe evit ezhommoù Tsahal, a felle dezhi kaout un arm-dorn standart hepken e plas ar re lies implijet betek-neuze, CZ 75 pe Colt M1911 en o zouez[1]. Produet e vez en Israel, hag e uzin IWI US e Middletown (Pennsylvania) abaoe 2018[2].
Implijet e vez gant armeoù meur a vro evel India, Jorjia ha Su Korea. Gwerzhet eo bet war ar marc'had sivil dindan meur a anv, er Stadoù-Unanet dreist-holl, en o zouez Baby Eagle, Baby Desert Eagle, pe Desert Eagle, pa glaske he froduer tennañ gounid eus brud an Desert Eagle er vro-se, daoust d'an div bistolenn bezañ disheñvel[3].
Deskrivadur
[kemmañ | kemmañ ar vammenn]Awenet eo ar Jericho 941 gant ar CZ 75 tchek, ha pezhioù implijet evit he sevel er penn-kentañ a veze produet gant an embregerezh italian Tanfoglio, a broduas ivez stummoù deveret eus ar bistolenn dchek (T90 ha T95). Ur bistolenn dezhi ur blatinenn un-ober ha daou-ober eo, gant ur sistemm tennata dre argil berr. E dir e oa he stummoù kentañ, met hiziv e kaver reoù savet e polimer ivez. Ul loc'henn-dizarmiñ a zo war stummoù zo. Gellet a ra an arm bezañ kambret evit ar .45 ACP hag an .40 S&W bremañ, ha dilezet eo bet an .41 AE gant ar broduerien. Pourvezet eo gant kargerioù fiñv dezhe div golonenn, disheñvel o endalc'hoù diouzh kalibr ar munisionoù. Disheñvel eo ar stummoù produet hiziv diouzh o danvez (dir pe polimer), o c'halibr, hag o sistem surentez[4].
Ar Fort-21 produet gant an embregerezh ukrainat Fort zo deveret eus ar Jericho 941.
Daveennoù
[kemmañ | kemmañ ar vammenn]- ↑ (en) SEARSON Mike, The IMI Jericho 941, Gun Mag Warehouse, 28/08/2023 (lennet d'an 22/01/2024)
- ↑ (en) SAGI Guy J., IWI's Jericho 941: Alive And Well, American Rifleman, 09/03/2022 (lennet d'an 22/01/2025)
- ↑ (en) POPENKER Maxim, Jericho 941, Modern Firearms (lennet d'an 22/01/2025)
- ↑ (en) IWI Jericho war lec'hienn an embregerezh (lennet d'an 22/01/2025)
