Jean de Derval
| Reizh pe jener | paotr  |
|---|---|
| Anv-bihan | Jean |
| Deiziad ganedigezh | 1430 |
| Deiziad ar marv | 9 Gouere 1482 |
| Lec'h ar marv | Kastell-Geron |
| Pried | Hélène de Laval |
| Micher | bibliophile |
| Karg | Baron |
| Perc'henn war | Kastell Derwal |
Jean de Malestroit, deuet da vezañ Jean de Derval goude marv e vamm, a varvas e Kastell-Geron d'an 9 a viz Gouere 1482. Ur soudard breizhat e oa ha patron bras embannnadur levrioù[1]. Unan eus nav baron Breizh e oa er XVvet kantved.
Buhezskrid
[kemmañ | kemmañ ar vammenn]Jean de Malestroit a oa ganet war-dro 1430, mab da Geoffroy de Chateaugiron, anvet ivez de Malestroit, ha da Valence de Chateaugiron, hêrez da aotrouien Rougé ha Derval.
Tra ma ne varvas e dad nemet e 1463, Jean de Malestroit a resevas Kastell Derwal da hêrezh e 1435 war-lerc'h marv Valence.
E 1451 e voe anvet Jean de Malestroit da varon gant an dug Pêr II. Kement-se a dostaas ouzh lez an dug. Neuze, ur pennad goude, e voe savet kastell Derval da varonelezh, ha Jean de Malestroit a zeuas da vezañ "Jean de Derval" hepken.
Dimezet da Hélène de Laval e 1450, Jean de Malestroit, anvet ivez Jean de Derval, goude bezañ bet ivez baronelezh Kastell-Geron war-lerc'h e vamm, a zeuas da vezañ an aotrou anezhi hag e reas e annez e kastell Kastell-Geron .
Goude bezañ stourmet ouzh ar Saozon en anv rouaned Bro-C'hall hag an duged e kendalc'has da servij an dug Frañsez II, dont a reas da vezañ letanant-jeneral evit difenn an dugelezh, d'ur mare ma oa tenn an traoù etre ar roue Loeiz XI hag an dug. Savet e voe d'ar renk a varon ha garedonet gant Urzh an Erminig hag ar Pennoù-ed.
Ger-stur ar familh, "Sans plus" (Netra muioc'h), a c'hell bezañ komprenet evel "netra a-us deomp".
Mervel a reas e Kastell-Geron d'an 31 a viz Mae 1482, hep lezel hêr ebet. Beziet e voe en abati Notre-Dame de la Vieuville en Epiniac, evel e wreg e 1500[2] .
Un aotrou, patrom an arzoù hag al levrioù
[kemmañ | kemmañ ar vammenn]Jean de Derval a zastumas ul levraoueg hag a zo anavezet bremañ evel unan eus al levraouegoù brudetañ e dibenn ar XVvet kantved[3]. Broudañ a reas ur skoazell evit al levrioù hag an dornskridoù skeudennet. Unan eus al levrioù brudetañ urzhiet gantañ e oa dornskrid Compillation des cronicques et ystoires des Bretons gant Pierre Le Baud[4]. Tud all estregetañ a oa dedennet gant al levrioù, met dreistordinal e oa an niver bras a levrioù a oa gantañ.
Brasoc'h e oa e zastumad eget hini an duged. Ennañ e oa levrioù eurioù, levrioù istor, Brevial ar Vretoned, oberennoù Ciceron, ha lod eus al levrioù kentañ bet moullet e Breizh.
Hêrezh
[kemmañ | kemmañ ar vammenn]E 1482 e tremenas aotrouniezhioù Komborn, Malastreg, Kastell-Geron, Ruzieg ha Derwal da Frañsez Reoz, merc'h da Yann IV Reoz (marvet e 1518), aotrou Reoz, hag e wreg kentañ, Frañsez Raguenel (marvet e 1418). Merc'h e oa Françoise Raguenel da Jean Raguenel, beskont La Bellière, ha da Gillette de Malestroit, c'hoar da Jean de Malestroit, anavezet evel Jean de Derval[5]. Françoise de Rieux (marvet d'an 30 a viz Here 1532) a zimezas da François de Laval-Chateaubriant, aotrou Kastell-Briant (1464-1503), d'an 31 a viz Eost 1482, hag o doe diskennidi.
Daveoù
[kemmañ | kemmañ ar vammenn]- ↑ (fr) Jean-Luc Deuffic, Jean de Derval, bibliophile breton du xve s., Pecia, vol. 7, 1er janvier 2009, p. 197–216
- ↑ (fr) Du Paz, Histoire Généalogique de plusieurs maisons de Bretagne, p.171
- ↑ (fr) Karine Grégoire, Edition scientifique des Chroniques des rois, ducs et princes de Bretagne de Pierre Le Baud, d’après le manuscrit 941 conservé à la Bibliothèque municipale d’Angers, thèse de doctorat, UNAM - Université Nantes Angers Le Mans, 2015
- ↑ (fr) Pierre Le Baud, secrétaire de Jean, sire de Derval., Compillation des Cronicques et ystores des Bretons, Bibliothèque nationale de France. Département des Manuscrits. Français 8266, 1401-1500
- ↑ (fr) Amédée Guillotin de Corson, Les grandes seigneuries de Haute-Bretagne, Tome II, Paris, réédition le Livre d'Histoire, p. 95