James S. A. Corey
| James S. A. Corey | |
|---|---|
.jpg) .jpg) Daniel Abraham ha Ty Franck e 2024. | |
| James S. A. Corey | |
| Maread | 2011 – bremañ |
| Luskad | Skiant-faltazi |
| Pennoberenn | The Expanse (9 levrenn) |
| Daniel Abraham | |
| Anv klok | Daniel James Abraham |
| Ganedigezh | 14 a viz Du 1969 Albuquerque (New Mexico)  Stadoù-Unanet
|
| Micher | Romantour, senarioour, produer. |
| Luskad | Skiant-faltazi, fantazi, euzh. |
| Ty Franck | |
| Anv klok | Ty Corey Franck |
| Ganedigezh | 18 a viz Mae 1969 Portland (Oregon) Stadoù-Unanet
|
| Micher | Romantour, senarioour, produer. |
| Luskad | Skiant-faltazi, fantazi, euzh. |
James S. A. Corey eo anv-pluenn un daouad skrivagnerien stadunanat, Daniel James Abraham ha Ty Corey Franck, o deus aozet ar steudad romantoù skiant-faltazi The Expanse, ur space opera anezhi. Unan eus ar romantoù Star Wars zo bet sinet ganto ivez.
Savet eo bet an anv-pluenn diwar anvioù-kreiz D. James Abraham ha T. Corey Franck, tra m'eo S. A. pennlizherennoù anv-bihan merc'h D. Abraham.
D. Abraham ha T. Franck
[kemmañ | kemmañ ar vammenn]A-raok ganedigezh « James S. A. Corey », Daniel Abraham, bet ganet e Portland (Oregon) 1969, en doa graet berzh gant an 12 levr en doa skrivet war dachenn ar skiant-faltazi, ar fantazi hag an euzh : gounezet an International Horror Guild Award e 2005[1], diuzet evit an Nebula Award e 2006[2], ar World Fantasy Award e 2008[3] hag an Hugo Award er memes bloaz[4].
E-keit-se, Ty Franck, bet ganet e 1969 ivez met en Albuquerque (New Mexico) en tu all d'ar Stadoù-Unanet, ne oa ket chomet arouarek ivez pa oa o skrivañ senariooù evit ar skinwel ; evit a sell ouzh al lennegezh e oa bet darbarer George R. R. Martin — ouzhpenn se e oa bet unan eus skrivagnerien ar skipailh a aoz ar stirad skiant-faltazi Wild Cards dindan goursell G. R. R. Martin ha Melinda M. Snodgrass.
The Expanse
[kemmañ | kemmañ ar vammenn]« James S. A. Corey » a voe ganet e 2011 pa voe embannet Leviathan Wakes, kentañ levr ar steudad The Expanse ; diuzet e voe ar romant-se e 2012 koulz evit an Hugo Awards e rann ar romant gwellañ[5] ha gant al Locus Awards e rummad ar gwellañ romant skiant-faltazi[6].
An aozerien a zivizas kenderc'hel da genlabourat, ha c'hwec'h levr all a skrivjont er steudad The Expanse, ar c'hwec'hvet o tont er-maez e 2017. Abaddon's Gates (2013), trede romant ar space opera, a c'hounezas ul Locus Award e 2014[7]. E 2017 e voe diuzet The Expanse gant an Hugo Awards er rann "Gwellañ steudad"[8], a zeroas ur priz dezhi e 2020[9]. E 2021 e voe embannet Leviathan Falls, diwezhañ romant The Expanse.
Kenlabourioù all
[kemmañ | kemmañ ar vammenn]E-keit ha ma skrive James S. A. Corey romantoù hir The Expanse ec'h aozas levrioù all berroc'h e-maez ar steudad hogen kenstur ganti. Un istor berr e voe an hini kentañ, The Butcher of Anderson Station — A Story of The Expanse, a gont istor Fred Johnson, unan eus tudennoù pennañ The Expanse ; e 2011 e voe embannet e stumm ul levrel (ul levr elekronek). Ul levrel all, Gods of Risk, a zeuas er-maez e 2012. Er memes bloaz e voe embannet un istor berr anvet The Drive en teskad Edge of Infinity. Ur romant berr, The Churn, a zeuas er-maez e 2014 a-raok oberennoù all, e bed The Expanse bepred.
Un istor berr dizalc'h diouzh The Expanse a voe embannet e 2013, A Man Without Honor ha lakaet en teskad Old Mars prientet gant George R. R. Martin[10]. Sinet gant James S. A. Corey ivez e voe ar romant Honor Among Thieves e 2014 er steudad Star Wars.
E miz Mae 2018, Orbit Books a gemennas edo an daouad o skrivañ ur space opera all, tri levr ennañ ha distag diouzh hollved The Expanse[11]. The Mercy of God (2024) eo kentañ levr an trifezh-se, anvet The Captive's War.
Oberennoù
[kemmañ | kemmañ ar vammenn]The Expanse
[kemmañ | kemmañ ar vammenn]- Romantoù hir
- Leviathan Wakes (2011).
- Caliban's War (2012).
- Abaddon's Gate (2013).
- Cibola Burn (2014).
- Nemesis Games (2015).
- Babylon's Ashes (2016).
- Persepolis Rising (2017).
- Tiamat's Wrath (2019).
- Leviathan Falls (2021).
- Romantoù berr
- Memory's Legion (teskad) :
- The Butcher of Anderson Station (2011) ;
- Drive (2012) ;
- Gods of Risk (2012) ;
- The Churn (2014) ;
- The Vital Abyss (novella, 2015) ;
- Strange Dogs (novella, 2017) ;
- Auberon (novella, 2019) ;
- The Sins of Our Fathers (novella, 2022) ;
- The Last Flight of the Cassandra (lakaet er c'hoari video RPG The Expanse: The Role-playing Game, 2019).
The Captive's War
[kemmañ | kemmañ ar vammenn]- Romantoù hir
- The Mercy of Gods (2024).
- The Faith of Beasts (da zont e miz Ebrel 2026)[12]# (Titl ebet, war skrivañ).
- Romantoù berr
- Livesuit (2024)
Romantoù all
[kemmañ | kemmañ ar vammenn]- Star Wars: Honor Among Thieves (Star Wars: Empire and Rebellion, levrenn 2, 2014).
Istorioù berr
[kemmañ | kemmañ ar vammenn]- A Man Without Honor", en teskad Old Mars (2013).
- Silver and Scarlet, e Star Wars Insider niverenn 148 (2014).
- The Drones, e Popular Science (2015)[13].
- Rates of Change, en teskad Meeting Infinity (2015).
- The Hunger After You're Fed, e Wired (2016)[14].
- How It Unfolds, e The Far Reaches niverenn 1 (2023).
- Judas Iscariot Didn’t Kill Himself: A Story in Fragments, en teskad The Last Dangerous Visions (2024).
Levrlennadur
[kemmañ | kemmañ ar vammenn]N'eo ket bet troet The Expanse e brezhoneg c'hoazh (miz Meurzh 2026) diwar saozneg SUA.
Gant Les Éditions Actes Sud en Arles (Bouches-du-Rhône) ez eo bet embannet ar steudad e galleg, 6 192 pajenn enni (5 062 bajenn en embannadurioù saoznek orin).
- L'Éveil du Léviathan (troet gant Thierry Arson), 2015 – 704 f. (ISBN 978-2-330-05112-9)
- La Guerre de Caliban (T. Arson), 2016 – 720 p. (ISBN 978-2-330-06453-2)
- La Porte d'Abaddon (T. Arson), 2018 – 688 p. (ISBN 978-2-330-09699-1)
- Les Feux de Cibola (T. Arson), 2019 – 624 f. (ISBN 978-2-330-11716-0)
- Les Jeux de Némésis (troet gant Yannis Urano), 2020 – 704 f. (ISBN 978-2-330-13076-3)
- Les Cendres de Babylone (Y. Urano), 2020 – 720 p. (ISBN 978-2-330-14099-1)
- Le Soulèvement de Persépolis (Y. Urano), 2021 – 704 f. (ISBN 978-2-330-15711-1)
- La Colère de Tiamat (Y. Urano), 2022 – 672 p. (ISBN 978-2-330-17102-5)
- La Chute du Léviathan (Y. Urano), 2023 – 656 p. (ISBN 978-2-330-18381-3)
Liammoù diavaez
[kemmañ | kemmañ ar vammenn]
Notennoù
[kemmañ | kemmañ ar vammenn]- ↑ (en) Science Fiction Awards Database (SFADB).
- ↑ (en) SFADB.
- ↑ (en) SFADB.
- ↑ (en) SFADB.
- ↑ (en) SFADB.
- ↑ (en) SFADB.
- ↑ (en) SFADB.
- ↑ (en) 2017 Hugo Awards.
- ↑ (en) 2020 Hugo Awards.
- ↑ (en) George R. R. Martin.
- ↑ (en) The Verge
- ↑ (en) Hachette Book Group.
- ↑ (en) Popular Science.
- ↑ (en) Wired.