James Bouillé

Eus Wikipedia
Sauter à la navigation Sauter à la recherche

James Étienne Bouillé a zo ganet e Gwengamp (Bro-Dreger, Aodoù-an-Arvor) d'ar 14 a viz C'hwevrer 1894[1], ha marvet e Pondivi d'an 22 a viz Mezheven 1945.

Mab e oa da Étienne Bouillé, arzour, ha da Marie Augustine Ferrand. E-pad pell en deus renet e dad ur stal arz e Perroz-Gireg.

Studiañ a reas e Skol an Arzoù-kaer e Pariz betek ma voe galvet da vont da vrezeliñ e 1914.

Un tisavour breizhat brudet eo hag a oa liammet gant luskad arzourien ar Seizh Breur. Bez' e voe hemañ e penn luskad arzourien gristen an Droellenn. Krouet e voe an Atalier Breizhat a Arz kristen e 1929. Ennañ e kaver Langleiz (Xavier de Langlais), livour, Jules-Charles Le Bozec, kizeller, Désury, orfebour, an itron a bPlanhol evit an dilhad liderezh, an dimezell Ménard, mestr-gwerour.

Bez' e voe unan eus ar re a ijinas ar stumm ti anvet "nevezvreizhat". E-touez e oberennoù niverus ez eus meur a iliz pe chapel: Logivi-Plaeraneg, Itron Varia Goatkev, chapel Skolaj Sant-Jozef Lannuon, hag ur savadur e Kampostal e Rostrenenn.

E 1941 e kemeras penn ar Bleun-Brug hag e voe anvet abalmour da se Bodad Aliañ Breizh (Comité Consultatif de Bretagne).

Oberennoù lennegel[kemmañ | kemmañ ar vammenn]

  • James Bouillé, Architecture Bretonne Moderne, Embannadur Romanance (41 pajenn), Pariz, 1936. (E Brezhoneg, Galleg, Alamaneg ha Saozneg)

Levrlennadur[kemmañ | kemmañ ar vammenn]

  • (fr) Audaces et hésitations d'un militant : James Bouille. Pierre Mardaga - Liège. 1986. Catalogue de l'exposition : Modernité et régionalisme : Bretagne : 1918-1945. Daniel Le Couedic.
  • James Bouillé, Architecte breton, Anagrammes, 2006, J.R. Rotté
  • James Bouillé, architecte. L'Art en Bretagne. Conférence faite au Congrès panceltique, Kemper, Meurzh 9 a viz Gwengolo 1924, Embannadur : Brest, Moulerezh. 'la Dépêche' ; Dastumadenn 'Buhez Breiz' , 1924.
  • James Bouillé, architecte. De l'Art celtique et de l'utilité de son étude pour la création d'un art breton moderne, Embannadur : Brest, Moulerezh 'la Dépêche' ; Dastumadenn 'Buhez Breiz' , 1924. In-8, 24 p.
  • James Bouillé, architecte. L'Habitation bretonne, Pariz, Moulerezh. J. Dumoulin (Testennoù) ; Moulerezh. Catala frères (Tresadennoù) ; Embannadur Ch. Massin et Cie, 1926. (15 a viz C'hwevrer 1927.) In-4, 8 p. et 40 Tresadenn.

Liammoù[kemmañ | kemmañ ar vammenn]

(fr) Atelier breton d'art chrétien (wikipedia gallek diwar-benn "an Droellenn")

Notennoù ha daveoù[kemmañ | kemmañ ar vammenn]

  1. [1] Akt ganedigezh, dielldi Aodoù-an-Arvor