Itron Varia an Erc'h

Masolino da Panicale, Miracolo della neve, Museo di Capodimonte, Napoli

Itron Varia an Erc'h. Stal-labour Giovanni della Robbia (Certaldo - Italia)

Itron Varia an Erc'h zo unan eus an anvadurioù a roer d'ar Werc'hez Vari, anavezet en Italia, Spagn, ha Portugal, en Europa, e Latinamerika ha kebek ivez. Dont a ra an anv eus ur burzhud c'hoarvezet e Roma er IV^e kantved, pa voe diazezet bazilikenn Santa Maria ad Nives ("Santez Varia an Erc'h"), a voe adanvet Santa Maria Maggiore diwezhatoc'h.

Etre Istor ha mojenn

„Schneewunder“, gant Matthias Grünewald, ma weler ar pab Liberius en erc'h. Iliz Maria-Schnee, e Breisgau, en Augustinermuseum.

Goloet e voe ar Menez Eskilin gant an erc'h d'ar 5 a viz Eost 358, e kreizig-kreiz an hañv eta, er bloaz-se. War-lerc'h an darvoud-se, gwelet evel ur brurzhud, e voe divizet gant ar pab lakaat eno ar santual gouestlet d'ar Werc'hez. Lidet e vez ar gouel-se d'ar 5 a viz Eost.

Itron-Varia an Erc'h e Breizh

Soñjal a reer e c'hallje bezañ bet kemmesk e Breizh etre "an erc'h" hag "an nec'h" (an uhel).

• Iliz Louergad
• Iliz Kerborzh
• Iliz Brelevenez (bremañ e Lannuon)
• Ur chapel e Kerc'haoueg
• chapel e Fouenant
• chapel e Lanniliz
• chapel e Baod
• chapel e Kaodan
• chapel e Kistreberzh
• chapel e Berc'hed (Mor-Bihan)
• chapel e Banaleg

 Brazil

E meur a lec'h e vez enoret Nossa Senhora das Neves ha dreist-holl e kêr João Pessoa, kêr-benn Paraíba.

Galiza

• As Neves, anv meur a lec'h a deufe eus anv ar Werc'hez.

 Italia

• Iliz Nostra Signora della Neve e La Spezia.

Spagn

• E Rubí de Bracamonte, e Valladolid, eo enoret la Virgen de las Nieves ha lidet d'ar 5 a viz Eost.
• E Torrox, en ardremez Malaga, en Andalouzia.

Gwelet ivez

• Itron Varia