Isis

Isis
	;

Isis eo an anv a orin gresianek a roer da Aset pe Iset, doueez gwarezerez ha salvus e mitologiezh Henegipt. Ezel eo eus Navad Bras Iounou.

Seblantout a ra e oa personeladur an tron gwezhall. E anv egiptat e hieroglifoù Egipt a dalvez "an azezenn". En enskrivadurioù e veze diskouezet da gentañ dindan stumm ur vaouez gant ur gador a dalvez dezhi da goef.
Diwezhatoc'h e cheñchas an doare d'he zaolenniñ. Gwelet e vez dindan stumm ur vaouez dezhi kerniel ur vuoc'h a bep tu d'ur skant a arouez al Loar ; arabat eo neuze he droukveskañ gant Hathor, a oa doueez ar garantez, ar gened, ar sonerezh, ar vammelezh hag al levenez.

En arzoù

E 1677 e savas Jean-Baptiste Lully un drajedienn lirek anvet Isis a zanevelle avanturioù an nimfenn Io a zeue da vezañ an doueez Isis a-drugarez da Jupiter, e diwezh an opera, o liammañ e-giz-se ar vitologiezh c'hresian hag ar vitologezh egiptat.

"Opera ar sonerien" a voe graet eus Isis abalamour d'ar binvioù-seniñ niverus zo talvoudekaet a bep eil. Meuliñ a ra klod Loeiz XVI hag e drec'hoù en Izelvroioù. Talvezout a ra ar boan menegiñ laz-kanañ ar "Grenerien".

Anv kentañ romant ar Breizhad Auguste de Villiers de L'Isle-Adam (1838-1889) eo Isis e 1862, unan eus pennoberennoù al lennegezh c'hallek da lavaras an arbennigourien^[1].
Das verschleierte Bild zu Sais "Ar skeudenn vouchet e Sais"^[2] eo anv ur varzhoneg gant Friedrich von Schiller diwar-benn gouel Isis (1795).
La Quête Isis eo anv trede levrenn eus Les perspectives dépravées gant an istorour gallek lituanian Jurgis Baltrušaitis (1903-1988)^[3].

Isis e Mirdi Karnak
Isis hag Horus
(Berliner Museum)
Isis hag Horus
(Mirdi al Louvre)

Notennoù

↑ (fr) Auguste de Villiers de L'Isle-Adam (1862) : Isis , CSIPP, 2017(ISBN 978-1-5465-5036-5)
↑ "Sais" en henc'hresianeg, "Sa al-Hagar" en arabeg hiziv, a oa ur geoded henegiptat war glann gleiz delta ar stêr Nil.
↑ (fr) Jurgis Baltrušaitis (1985) : Les Perspectives dépravées / 3 – La Quête d'Isis : essai sur la légende d'un mythe, Flammarion, 1999 (ISBN 978-2-08-081628-3)

Commons

Muioc'h a restroù diwar-benn

Isis

a vo kavet e Wikimedia Commons.

Porched Egiptopedia

Adkavit pennadoù Wikipedia a denn da Henamzer Egipt :

[1] (fr) Auguste de Villiers de L'Isle-Adam (1862) : Isis , CSIPP, 2017(ISBN 978-1-5465-5036-5)

[2] "Sais" en henc'hresianeg, "Sa al-Hagar" en arabeg hiziv, a oa ur geoded henegiptat war glann gleiz delta ar stêr Nil.

[3] (fr) Jurgis Baltrušaitis (1985) : Les Perspectives dépravées / 3 – La Quête d'Isis : essai sur la légende d'un mythe, Flammarion, 1999 (ISBN 978-2-08-081628-3)

[1]

[2]

[3]