Mont d’an endalc’had

Hotchkiss M1922

Eus Wikipedia
Hotchkiss Modèle 1922


Ur fuzuilh-vindrailher Hotchkiss 1922 (stumm 1926) implijet gant arme Gres, kambret e 6,5 mm Schönauer
Kinnig
Bro Frañs Frañs
Doare Fuzuilh-vindrailher aotomatek hepken
Mont en-dro Tennata dre amprest-gazoù, piston hir e red
Munisionoù 6,5 mm Mannlicher-Schönauer
7 × 57 mm Mauser
7,92 × 57 mm Mauser
.303 British
8 mm Lebel
Produer Hotchkiss
Bloavezh krouidigezh 1922
Perzhioù teknikel
Mas (hep kartouchenn) 8,5 kg
Hirder 1 216 mm
Hirder ar c'hanol 600 mm

Lusk-tennañ teorikel 450 tenn/mn
Endalc'h Bandennadoù reut 15, 24 pe 30 kartouchenn
Kargerioù fiñv 20 kartouchenn
Lezenn
Rummad e Bro-C'hall A

An Hotchkiss Modèle 1922 zo ur fuzuilh-vindrailher ijinet gant an embregerezh gall Hotchkiss ha gwerzhet adalek 1922 d'un nebeud broioù en Europa[1].

Evel ar vindrailherez Hotchkiss Modèle 1914 eo diazezet ar fuzuilh-vindrailher M1922 war ur sistem tennata dre amprest gazoù a-drugarez d'ur piston hir e red. Ur mod aotomatek a oa dezhi hepken, ha kambret e voe evit kartouchennoù a bep seurt, hervez c'hoant he frenerien, evel ar 6,5 mm Mannlicher-Schönauer, ar 7 × 57 mm Mauser pe ar 7,92 × 57 mm Mauser[1]. Un nebeud skouerennoù a voe kambret e .303 British pe e 8 mm Lebel evit amprouennoù er British Army hag en arme c'hall. Pourveziet e oa gant bandennoù kartouchennoù reut, met kargerioù fiñv a zo bet implijet evit skouerennoù gwerzhet er Rouantelezh-Unanet pe e Spagn[2].

Kinnig a reas Hotchkiss an arm gant meur a opsion : kanol standart pe ponner, kalibroù disheñvel pe dornell dezougen da skouer. Anvet e voe M1924 hag M1926 ivez hervez ar stummoù.

Soudarded sinaat o tennañ war ur c'harr-nij gant un Hotchkiss M1922 e 1937

Ne voe ket implijet da vat en arme c'hall, pa choazas homañ ar MAC 24 e deroù ar bloavezhioù 1920. Amprouet e voe er British Army, ha gwerzhet e voe skouerennoù d'un nebeud broioù all evel Gres (e 6,5 mm Schönauer hag 8 mm Mauser), Sina, Tchekoslovakia ha Turkia (e 8 mm Mauser). War-dro 2.000 skouerenn e 7 mm Mauser a voe prenet gant arme Spagn[2], ha servijout a reas ar fuzuilh-vindrailher e brezel Spagn[3]. Implijet e voe ivez er brezel etre Italia ha Gres, e deroù an Eil Brezel-bed[2].

Liammoù diavaez

[kemmañ | kemmañ ar vammenn]
  1. 1 2 (en) POPENKER Maxim, Hotchkiss M1922, Modern Firearms (lennet d'an 03/02/2025)
  2. 1 2 3 (en) McCOLLUM Ian, Hotchkiss M1922/24/26, Forgotten Weapons (lennet d'an 03/02/2025)
  3. ↑ (en) HEINZ Leonard R., Small arms of the Spain Civil War, 10/12/2016 (pellgarget d'an 03/02/2025)
  Stag eo ar bajenn-mañ ouzh Porched an Armoù-tan