Hasdrubal ar Boetarc'h
| Reizh pe jener | paotr  |
|---|---|
| Bro ar geodedouriezh | Ancient Carthage |
| Anv-bihan | Hasdrubal |
| Deiziad ganedigezh | 2vet kantved kt JK |
| Deiziad ar marv | 2vet kantved kt JK |
| Lec'h ar marv | Roman Italy |
| Micher | penn brezel |
| Grad milourel | pennkomandant |
| Brezel | Trede brezel punek |
| Skour lu | lu Kartada |
Hasdrubal ar Boetharc'h zo ur jeneral eus Kartada a renas difenn ar geoded e-pad he seziz gant ar Romaned, renet gant Scipio Aemilianus e-pad an Trede brezel punek (149-146 a-raok J.-K.).
Ar boetharc'h a oa ur renk en arme (komandant ar bagadoù skoazell) tizhet gantañ e 152 a-raok J.-K.[1]. E 148 a-raok J.-K. e kemeras penn difenn ar geoded[1].
Danevell a ra ar mammennoù en em gaeas e e templ Eshmoun war tuchenn Birsa, e-pad seziz 146, ur wezh kemeret karter ar porzhioù ha traoñ kêr gant an arme roman. En em zifenn a reas pell eno met pa welas e oa kollet pep tra e tec'has da vont d'en em zaskoriñ da Scipio. E wreg, feuket gant e drubarderezh, en dije dic'houzouget e vugale dirak e zaoulagad a-raok en em deurel en tan.
Keñveriet eo bet an darvoud-mañ gant emlazh ar rouanez Didon kerkent hag en Henamzer[2]. A-hervez e vije chomet Hasdrubal bev ha bevet en dije dieub en Italia[1]. En em rentañ dre zizesper pe dre aon zo disheñvel-kenañ eus ar pezh a c'hallfed gortoz eus e berzh pa seller ouzh e emzalc'h kalonek e-pad ar brezel-se. Lod a sell ouzh an darvoud-mañ evel un elfenn eus ar propaganda roman a dalveze da reizhabegañ ar brezel da c'houde. Ur skouer e oa eus ar punica fides, feiz fall ar Gartadaiz gwallvrudet gant ar Romaned. Diskouez a reont Hasdrubal milliget gant e wreg dezhañ e-unan.