Gwernenezeg

Dgèrnésiais
Komzet e:	Gwernenez
Komzet gant:	1.327 den (934 flour)
Renkadur hervez ar familhoù-yezh:	Indezeuropek  Italek   Romanek    Kornôg-Italek     Kornôg-Italek ar C'hornôg      Galian-Iberek       Galian-Romanek        Galian-Raetek         Oïl          Dgèrnésiais
Statud ofisiel
Statud ofisiel ebet e:	Gwernenez
Kodoù yezh:
ISO 639-1:
ISO 639-2:
SIL:

Panell e gwernenezeg e kêrbenn an enezenn (Porzh Sant-Pêr)

Ar gwernenezeg (dgèrnésiais pe guernésiais) a zo ur yezh normanek komzet e Gwernenez. Ur yezh oïl an hini eo.

E 2001 e c'helle 1.327 a dud, da lâret eo 2% eus poblañs an enezenn, komz ar yezh en un doare flour ha 3% he c'homprene mat. Ouzhpenn 70% eus ar gomzerion-se a zo en tu all da 64 vloaz avat. Etre ar re yaouank ne vez komzet nemet gant 0,1% eus an dud, met 14% a gompren ar yezh tamm pe damm.

Dont a ra a-benn, tu pe du, ar wernenezegerion da gompren ar jerzenezeg ha gallout a reont ivez kompren Normanded e Bro-C'hall.

N'eo ket bet ken levezonet ar gwernenezeg gant ar galleg ha m'eo bet ar jerzenezeg, met kreñvoc'h eo bet levezon ar saozneg war yezh Gwernenez.

Labourat evit difenn ar yezh a ra L'Assembllaïe d'Guernesiais bet krouet e 1957. Kelennet e vez ar yezh er skolioù a-wechoù ivez evel ur yezh da dibab.

Skwerioù

• Quaï temps qu’i fait? : (Penaos emañ an amzer?)
• I' fait caoud ogniet : (Tomm eo hiziv)
• Tchi qu’est vote naom? : (Pe anv oc'h?)
• Coume tchi que l’affaire va? : (Penaos 'mañ kont?)
• Quaï heure qu'il est? : (Pet eur eo?)
• À la perchoine : (Kenavo ar c'hentañ)
• Mercie bian : (Trugarez vras)

Gwelet ivez:

• Jerzenezeg

Liammoù diavaez:

• Petra eo ar gwenezeneg? (e saozneg)
• Guernsey French (e saozneg)