Gwalldaol an 19 a viz Kerzu 2016 e Berlin

Gwalldaol an 19 a viz Kerzu 2016 e Berlin a zo bet ur gwalldaol gant implij ur c'hamion lañset a-enep Marc'had Nedeleg Breitscheidplatz, e Berlin (Alamagn), d'an 19 a viz Kerzu 2016. An dagadenn sponterezh^{(Daveoù a vank)}^[1]^,^[2]^,^[3]^,^[4] washañ eo da geñver an niver a dud aet da Anaon abaoe tagadenn an Oktoberfest e 1980, gant 13 lazhet.

Ar Stad Islamek a gemenn ez eo an aozadur a-dreñv ar gwalldaol dre an aozadur kelaouiñ Amaq News Agency. En desped d'ar gemennadenn en arabeg hag alamaneg, ar strollad ne zegas prouenn ebet a c'hellfe liammañ sklaer anezhañ gant an dagadenn^[5]^,^[6].

Lakaet e vez war-raok ez eo damheñvel ouzh gwalldaol ar 14 a viz Gouhere 2016 e Nisa lec'h ma oa bet implijet ur c'hamion lañset war arvesterien un tan-arvest ha ma oa bet lazhet 86 a dud ha gloazet 436.

19 a viz Kerzu 2016[kemmañ | kemmañ ar vammenn]

An dagadenn he doa bet lazhet 12 den ha gloazet 48 a dud^[7]. Ar c'hamion implijet a oa bet unan Scania du. Ar polis lec'hel a gemenn e oa deuet ar c'hamion dre Budapester Strasse a-raok tizhout ha chom a-sav dirak ar Kaiser-Wilhelm-Gedächtniskirche. Blenier ar c'hamion a oa sañset bezañ bet skampet kuit dre ar Zoologischer Garten Berlin, a-raok bezañ harzet ha kaset d'an toull-bac'h. D'an 20 a aviz Kerzu 2016 e oa anzavet gant ar polis o devoa harzet "an den fall" hag e oa neuze ar sponter gwirion "frank da seveniñ un taol-fall all en ur vezañ armet". An eil den a oa er c'hamion bet adkavet marvet gant ar polis alaman a oa bet lazhet gant ar sponter gant un arm-tan, blenier gwir ar c'hamion a oa-eñ genidik eus Polonia.

An den harzet e-plas blenier wir ar c'hamion a zo ur repuad a orin eus Pakistan^[8].

20 a viz Kerzu 2016[kemmañ | kemmañ ar vammenn]

Gortozet eo bet an 20 a viz Kerzu 2016 ha prezegenn Angela Merkel a-raok ma vefe embannet gant un doare sklaer e oa ur gwalldaol. Da 3 eur goude merenn goude ar prezegenniñ ez eo aet ar gañsellerez war lec'h ar gwalldaol.

Dieubet eo bet an den harzet d'an 20 a viz Kerzu 2016 dre un diouer a brouennoù a-enep dezhañ^[9].

Gouzañverien[kemmañ | kemmañ ar vammenn]

Kolloù hervez ar vro orin
Bro	Lazhet	Gloazet	Notenn
Alamagn	6	Dianav	^[10]
Polonia	1	0	^[11]
Spagn	0	2	^[12]
Italia	0	1	^[13]
Liban	0	1	^[14]
Israel	0	1	^[15]
Dianav	4	44	^[16]
Hollad	12	47	^[17]

Disoc'h politikel[kemmañ | kemmañ ar vammenn]

Goude ar gwalldaol, ar gañsellerez Angela Merkel a zo taget drouk gant strolladoù broadelour Alamagn e-penn anezho an Alternative für Deutschland. Rebechet e vez dezhi garv bezañ bet degemeret kement a repuidi er vro. Goude an AFD ez eus bet strolladoù pe tud politikel broadelourien anezho o deus rebechet ivez politikerezh ar repuidi a oa kaset da benn gant Angela Merkel^[18].

Meur a benn Stad pe tud uhel dre ar bed o deus disklêriet gourc'hemennoù a gengañv goude ar gwalldaol^[19].

Notennoù ha daveennoù[kemmañ | kemmañ ar vammenn]

[1] (fr) 20/12/2016 Lec'hienn lesoir.be: "Angela Merkel «bouleversée» par l’attentat à Berlin: «Cet acte sera puni»"

[2] (en) 20/12/2016 Lec'hienn independent.co.uk: "Angela Merkel on Berlin attack: 'We must assume it was terrorism'"

[3] (en) 20/12/2016 Lec'hienn nytimes.com: "Germany Looks for Terrorism Links in Deadly Berlin Market Attack'"

[4] (fr) 20/12/2016 Lec'hienn lepoint.fr: "Attentat à Berlin : Angela Merkel se dit "choquée et très triste"'"

[5] (en) 20/12/2016 Lec'hienn edition.cnn.com: "Berlin market: ISIS says it inspired attack"

[6] (de) 20/12/2016 Lec'hienn faz.net: "Nach Anschlag in Berlin IS reklamiert Attacke auf Weihnachtsmarkt für sich"

[7] (en) 19/12/2016 Lec'hienn http://m.washingtontimes.com : berlin truck crashes christmas market (At least 9 dead, many injured in truck attack on Berlin Christmas market)

[8] (en) 19/12/2016 Lec'hienn http://m.washingtontimes.com : Berlin truck driver reportedly a refugee from Pakistan.

[9] (fr) 20/12/2016 Lec'hienn francetvinfo : DIRECT. Berlin : le Pakistanais un temps suspecté est remis en liberté

[10] ttp://www.bbc.com/news/live/world-europe-38370364

[11] ttp://metro.co.uk/2016/12/20/first-victim-of-berlin-christmas-market-terror-attack-named-6335443/

[12] ttp://www.elconfidencial.com/mundo/2016-12-20/ataque-berlin-espanol-herido_1306581/

[13] ttp://www.ansa.it/sito/notizie/mondo/2016/12/19/camion-contro-mercato-di-natale-a-berlino-diversi-feriti_c0f0cc26-1b9a-4fef-ac1f-d40ed862077e.html

[14] ttp://mtv.com.lb/en/News/661870

[15] ttp://forward.com/news/breaking-news/357615/israeli-woman-missing-in-berlin-market-terror-attack-husband-injured/

[16] Live: Police investigate Berlin lorry attack (19 December 2016).

[17] "Berlin attack: So-called Islamic State claims responsibility" (in en-GB) (20 December 2016).

[18] ttp://time.com/4607711/europe-rightwing-populist-berlin-attack/

[19] ttp://europe.newsweek.com/berlin-attack-germany-angela-merkel-vladimir-putin-world-leader-reactions-afd-534118?rm=eu

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]