Goulwena an Henaff
Animatourez evit abadennoù brezhonek war France 3 ("Mouchig-dall", "Te ha Me", "Bali Breizh") eo Goulwena An Henaff, genidik eus Lokorn e 1978.
Aktourez eo bet ivez er sitcom "Ken Tuch'", ha kemeret he deus perzh evit sevel ar senario. Kinnig a ra ouzhpenn abadennoù dreist-ordinal, evel "Prizioù" France 3 ur wech an amzer.
Buhez Goulwena an Henaff[kemmañ | kemmañ ar vammenn]
Brezhonegerez a-vihanik eo hag e-touez skolidi gentañ Diwan e oa. Bet eo bet en hentenn Diwan adal ar skol vihan betek an 3de klas dre ma ne oa ket eus ul lise Diwan c'hoazh d'ar mare-se ; kenderc'hel a reas ar skol en ul lise e Kemper.
Goude-se, pa oa dedennet bras gant ar yezhoù, e tapas un aotreegezh war ar brezhoneg hag un DEUG war ar spagnoleg.
Bez' ez eus bet graet un diellfilm war pastezerezh e dud e Lokorn. Respontet he deus da c'houlennoù ar gasourez ha setu penaos he doa kejet gant Fañch Broudig, a oa e penn an abadennoù skinwel brezhonek war Frañs 3. Oadet 20 vloaz e oa pa'z eas dre e gemenn war hent ar c'hleweled. Lentikoa eo met dibab a reas boulc'hañ gant an hent-se evit chom hep kaout keuz.[1].
C'hoari a reas er sitcom Ken tuch' abaoe 2008 ivez.
Kenanimatourez ar "Cyber Fest-Noz" eo ivez.
Sklaer ez embann Goulwena an Henaff hiziv-an-deiz ez eo bet ar brezhoneg hag en deus roet lañs bras d'he hent ha d'he buhez micherel[1]
Buhez prevez[kemmañ | kemmañ ar vammenn]
N'ouzer ket kalz traoù eus buhez prevez Goulwena an Henaff. D'an 8 a viz C'hwevrer 2013 e voe embannet el lec'hienn 7seizh e oa dougerez, ar pezh a lakaas Bernez Rouz da fuloriñ a-enep al lec'hienn..
Ganedigezhioù :
- Laouen-bras eo Goulwena an Henaff ha Youenn Chapalan o reiñ deoc’h da c’houzout eo bet ganet Arzel, breur Gwenn, d’ar 14 a viz Even e Kemper.
– Al Liamm niv. 400, 2013, p. 106
Liammoù diavaez[kemmañ | kemmañ ar vammenn]
Notennoù ha daveennoù[kemmañ | kemmañ ar vammenn]
|
Porched Breizh – Adkavit pennadoù ha rummadoù Wikipedia a denn da Vreizh. |