Gouarnamant Kuzh Polonat
| Deiziad krouiñ | 1939  |
|---|---|
| Anv er yezh orin | Polskie Państwo Podziemne |
| Yezh ofisiel | poloneg |
| Kan broadel | Mazurek Dąbrowskiego |
| Kevandir | Europa |
| Deiziad divodañ | 1945 |
Ar Gouarnamant Danzouar Polonat (poloneg: Polskie Państwo Podziemne), brudet ivez evel Gouarnamant Kuzh Polonat) [1] a oa un aozadur politikel ha milourel savet gant unvaniezh an aozadurioù rezistañs e Polonia dalc'het hag a oa leal da c'houarnamant Republik Polonia e Londrez. Kentañ aozadurioù ar Stad danzouar a oa bet savet e devezhioù diwezhañ aloubadeg alaman ha soviedat Polonia, e fin miz Gwengolo 1939. Ar Stad kuzh a oa gwelet gant e harperien evel kendalc'h lezennel Republik Polonia (hag e ensavadurioù) a oa bet o stourm a-enep nerzhioù dalc'hidigezh ar vro: Alamagn Nazi hag an Unvaniezh Soviedel. Ar gouarnamant danzouar ne oa ket hepken o ren ar rezistañs armet, bez e oa ivez unan a rene ensavadurioù trevour, ar justis, an deskadurezh, ar sevenadur ha servijoù sokial.