Generaloberst
| Iskevrennad eus | colonel general  |
|---|---|
| Bro | Impalaeriezh alaman, Republik Weimar, Trede Reich, Republik Demokratel Alamagn |
| Implijet gant | Alamagn |
Ar Generaloberst ("koronal jeneral") e oa an eil renk uhelañ e-touez an ofiserien uhel en Tirlu impalaerel alaman, er Reichswehr hag er Wehrmacht, er Gemeinsame Armee (arme voutin) en Aostria-Hungaria, en Nationale Volksarmee er Republik Demokratel Alamagn, hag er servijoù polis alaman hag aostrian. Ar renk a oa kevatal gant hini ur jeneral peder steredenn met dindan ar Generalfeldmarschall. Ar renk a oa kevatal ivez gant hini ar Generaladmiral er C'hriegsmarine betek 1945 pe ar Flottenadmiral er Volksmarine betek 1990. Bez e oa ar renk uhelañ e-touez ar soudarded standart hag ar renk uhelañ en amzer a beoc'h. Ar renk uheloc'h a jeneral war an dachenn ne c'helle bezañ roet nemet en amzer a vrezel gant penn ar Stad. Dre vras, ar Generaloberst en devoa ar memes gwirioù ha re ur jeneral war an dachenn.
Ma vije da dreiñ ar ger Generaloberst e c'hallfed en ober gant "jeneral uhelañ", met aliesoc'h e vez troet gant "koronal-jeneral".