Fuzuilh flour he c'hanol
Ur fuzuilh flour he c'hanol zo un arm-skoaz dezhañ unan pe meur a ganol flour, hep rizennoù, savet evit tennañ kartouchennoù-chase. Ar braz eus ar fuzuilhoù-mañ a zo fuzuilhoù-chase anezhe, met lod a vez implijet e bed ar polis pe an arme. Betek kreiz an XIXvet kantved e oa kanolioù flour da dost an holl armoù-tan hiniennel, ne vern o flatinenn (mechenn, rod, kailhastr...).
Deskrivadur
[kemmañ | kemmañ ar vammenn]Doare
[kemmañ | kemmañ ar vammenn]Ar fuzuilhoù flour o c'hanol a c'hall bezañ :
- un-tenn, gant ur c'hanol hepken. Ral eo deuet an doare-mañ da vezañ hiziv-an-deiz ;
- gant daou ganol un-tenn pep hini, hag a c'hall bezañ kichen-ha-kichen pe dreistlakaet (an eil a-us egile) ;
- gant ur c'hanol hepken hag ur sistem tennata dre zorn dre bomp (fuzuilh-pomp) ;
- gant ur c'hanol hepken, gant ur sistem tennata damaotomatek, dre argil peurliesañ. E kalz broioù evel Bro-C'hall eo endalc'h an armoù-mañ teir c'hartouchenn hepken abalamour d'al lezenn.
Kalibr ha munisionoù
[kemmañ | kemmañ ar vammenn]Eztaolet e vez kalibr ar fuzuilhoù flour o c'hanol gant un niver etre 4 ha 36. Ar c'halibr implijetañ hiziv-an-deiz, e bed ar chase koulz hag an nerzhioù surentez, eo an 12. E bed ar chase, ar bannadelloù er c'hartouchennoù a c'hall bezañ drajez plomoù, dezhe mentoù a bep seurt, pe reoù unpezh anvet slug (pe brenneke diwar wreskanvadur). E bed an nerzhioù surentez e c'hall bezañ kavet bannadelloù all : bouligoù kaoutchoug e-lec'h ar plomoù, boulenn gaoutchoug nemeti, bannadelloù lakrimojen, da verkañ, pe tarzh (poultr bouret evit lakaat elfennoù-stagañ an dorioù hep risk dazlamm)...[1]
Pennadoù kar
[kemmañ | kemmañ ar vammenn]Daveennoù
[kemmañ | kemmañ ar vammenn]- ↑ (fr) LAMOTHE Arnaud, Guide pratique des armes à feu, 2025, p. 64, ISBN 979-10-415-6214-5
