Fuzuilh eneptank

Ur fuzuilh eneptank a vez graet eus ur fuzuilh savet evit toullañ hobregonoù karbedoù stourm hobregonet, dreist-holl re an tankoù, karbedoù dezougen soudarded hobregonet, ha karbedoù stourm troadegiezh. An droienn a vez implijet alies evit armoù hag a c'hell bezañ douget hag implijet gant un den nemetken. A-wechoù avat e vez implijet evit armoù all ivez ha n'int ket hezoug^[1]. Implijusted an doare armoù-se evit ar gefridi toullañ hobregonoù a zo deuet gant ar c'hentañ tankoù war Talbenn Kornôg ar Brezel-bed kentañ hag implijet e oant bet betek Brezel Korea. An tankoù etre hag an tankoù ponner a oa deuet da vezañ re hobregonet evit gellout bezañ toullet gant kartouchennoù dibleg tennet gant fuzuilhoù hag a c'helle bezañ douget gant ur soudard nemetken. Implijet e oant c'hoazh a-enep karbedoù hobregonet treutoc'h, memes ma oa deuet war-wel armoù nevez evel ar fuzuilhoù digil hag ar rocket-propelled grenade evel ar bazooka evit en em zifenn a-dost rak an tankoù.