Fuzuilh-liorzh

Ar Model 67, ur garden gun savet gant an embregerezh Winchester

Ur fuzuilh-liorzh, pe fuzuilh-jardin (diwar ar saozneg garden gun), zo un arm-skoaz flour he c’hanol, kambret evit kartouchennoù bihan o c'halibr enne plomoù peurliesañ, hag implijet dreist-holl evit lazhañ loened bihan (krignerien pe lapoused da skouer) a gustum debriñ pe distruj ar plant gounezet, pe aloubiñ lec'hioù implijet gant Mab-den. Armoù berr hag aes da zornata int, efedus war hedoù-tenn berr (betek ur pemzek metr bennak), hag abalamour d'o galloud izeloc'h e vezont implijet a-wechoù e lec'hioù kloz evel ar grañjoù, ar magazennoù, pe e lec'hioù digor evel an aerborzhioù zoken.

Ur gartouchenn .22 Long Rifle CCI Snake shot, dezhi plomoù

Kalibroù

Peurliesañ eo kambret ar fuzuilhoù-liorzh evit :

• kartouchennoù-chase bihan o c'halibr evel ar .410 hag an .360 ;
• kartouchennoù 9 mm Flobert, dezhe plomoù pe ur boled, en Europa dreist-holl, pe kartouchennoù skoet war o zro evel an .22 WMR pe an .22 Long Rifle karget gant plomoù e Norzhamerika. Berr eo hed-tenn efedus ar munisionoù a seurt-se, ha izel a-walc'h o zrouz.

Skouerioù fuzuilhoù-liorzh

• Marlin Model 25MG
• Remington Model 511SB
• Winchester Model 67
• Henry Garden Gun
• rummad Chiappa Little Badger

Daveennoù

  Stag eo ar bajenn-mañ ouzh Porched an Armoù-tan