France Gall

Eus Wikipedia
Sauter à la navigation Sauter à la recherche
France Gall e 1965

France Gall, Isabelle Gall he anv gwirion, ganet d'an 9 a viz Here 1947 en 12vet arondisamant eus Pariz ha marvet d'ar 7 a viz Genver 2018 e Neuilly-sur-Seine, a zo ur ganerez eus Bro-C'hall.

France Gall e-pad kenstrivadeg an Eurovision e 1965

Brudet he voe adalek ar bloavezhioù 1960, aet ganti ar maout e 1965 e-pad kenstrivadeg an Eurovision gant ar ganaouenn Poupée de cire, poupée de son. Goude-se e voe ur maread divrud betek ma kejeas gant Michel Berger, ha dimeziñ gantañ e 1976.

Drastet gant marv he gwaz hag he merc'h, tapet e voe ivez gant kudennoù yec'hed. E 1997 e tilezas al leurennoù.

Marv[kemmañ | kemmañ ar vammenn]

Tapet e oa bet gant ur c'hrign-bev eus ar vronn e 1993, addeuet e oa e 2015. Chomet e oa mut ar familh war ar c'hleñved distroet.

D'an 9 a viz Kerzu 2017, ne oa ket yac'h a-walc'h evit arvestiñ obidoù Johnny Hallyday. D'an 19 a viz Kerzu 2017 e oa bet kaset da ospital stadunanat Neuilly evit ur « bilimadur grevus er skevent ».

Marvet eo en ospital-se d'ar 7 a viz Genver 2018, d'an oad a 70 vloaz, diwar he c'hrign-bev eus ar vronn[1].

Daveoù[kemmañ | kemmañ ar vammenn]

  1. (fr)« France Gall rejoint Michel Berger au "Paradis blanc" », Le Point, 7 Genver 2018.