Fouas Naoned

Fouas Naoned a zo ur seurt fouas genidik eus Bro-Naoned, ur varaenn e stumm ur steredenn c'hwec'h brec'h pe « korn » ^[1], graet diwar bleud, amann, laezh ha sukr, a-wechoù frondet gant lambig.

Istor

Genidik eo fouas Naoned eus an Hae-Foazer, e gwinieg Naoned. Krouet e voe en XIXvet kantved gant gwinnierien eus ar vro^[2], ha produet e vez eno c'hoazh hiziv an deiz. Setu perak e vez dediet ur gouel dezhañ e kreiz miz Gwengolo en Hae-Foazer^[3]. A-raok 1914 e oa 80 foaser er vourc'h hec'h-unan hag a bourveze ar rannvro a-bezh. Echuiñ a reas an hini diwezhañ gant e vicher e 1992.

Produadur

Gant ar varaerien ha pastezerien e vez fardet fouas Naoned bremañ, e daou lec'h dreist-holl :

e su al Liger, e bro Gwinieg Naoned,
e norzh ar stêr, en ur c'horn-bro tro-dro Hierig, Blaen, Kergaval ha Saverieg.

Ar prantadoù produiñ a cheñch ivez hervez al lec'hioù :

a-hed ar bloaz en Hae-Foazer,
e-pad ar gwin nevez e Naoned hag er peurrest eus ar winieg,
e Gouel Pask en norzh d'ar stêr (gwechall e veze ar gustum gant ar baeroned hag ar maeronezed da brofañ ur fouas d'o filhor pe filhorez).

Notennoù ha daveoù

↑ A-wechoù pemp korn evel e Bouez pe seizh korn evit ar patromoù brasañ.
↑ Présentation de la fouace nantaise et son histoire
↑ . Ur « gouel ar fouasoù » all a vez aozet ivez tro an 11 a viz Du e karter Naoned Chantenay, lec'h m'en em stalias kalz fouaserien eus an Hae-Foazer gwechall.

Liammoù diabarzh

Porched Boued ha Keginerezh

Liamm diavaez

(fr) Rekipe fouas Naoned

Porched Breizh – Adkavit pennadoù ha rummadoù Wikipedia a denn da Vreizh.

[1] A-wechoù pemp korn evel e Bouez pe seizh korn evit ar patromoù brasañ.

[2] Présentation de la fouace nantaise et son histoire

[3] . Ur « gouel ar fouasoù » all a vez aozet ivez tro an 11 a viz Du e karter Naoned Chantenay, lec'h m'en em stalias kalz fouaserien eus an Hae-Foazer gwechall.

[1]

[2]

[3]