Fontanella
| Reizh pe jener | paotr  |
|---|---|
| Bro ar geodedouriezh | Rouantelezh Bro-C'hall |
| Anv e yezh-vamm an den | Guy Éder de La Fontenelle |
| Anv ganedigezh | Guy Éder de Beaumanoir de La Haye |
| Anv-bihan | Guy |
| Anv-familh | de Beaumanoir, de La Haye |
| Moranv | Guy Éder de La Fontenelle |
| Deiziad ganedigezh | 1573 |
| Lec'h ganedigezh | Aodoù-an-Arvor |
| Deiziad ar marv | 1602 |
| Lec'h ar marv | Pariz |
| Doare mervel | kastiz ar marv |
| Micher | milour |
Ganet e oa Guy Éder de Beaumanoir de La Haye, anavezetoc’h evel Fontanella e 1572 pe 1573, e parrez kozh Botoha.
E dud, Éder de Beaumanoir ha Perronnelle de Rosmar de Kerdaniel, a oa eus ur familh uhel eus Bro-Gerne.
E 1587, e studias e Skolaj Boncourt e Pariz.
E-pad Brezel ar C'hevre e profitas Fontanella eus an dizurzh evit sevel ur strollad soudarded hag en em gavas gant an dug Maine e Orleañs.
Gant e soudarded e kasas argadennoù ha laeroñsi war ar vro, o kemer kastelloù ha bourc’hioù evel Kersaliou e Peurid-ar-Roc'h.
E 1590 e lezas e roudoù en istor dre e grizderioù.
Gant ur bagad a 400 marc’heg ha 3 000 den e renas laeroñsioù, muntroù ha distrujoù e kêrioù evel Landreger, Pondivi, Lannuon, Kallag, Montroulez ha Kastell-Nevez-ar-Faou.
E 1592 e kavas repu e koadeg Laz hag e kendalc’has gant e oberoù fall er Menezioù Du.
E 1595 e stalias e garnizon war enez Tristan dirak Douarnenez, o tizhout 700 soudard. Eno e c’houlennas digant annezidi ar vro sevel mogerioù difenn hag e kasas argadennoù war ar c’hêrioù tro-dro.
E 1598 e voe paket ha bac’het e Roazhon, met dieubet e voe gant ar roue Herri IV e 1601.
.jpg)
Goude bezañ tamallet da vezañ kemeret perzh en irienn an dug de Biron, e voe kondaonet d’ar marv ha boureviet war ar rod e Pariz d’ar 27 a viz Gwengolo 1602.
Kalz a ganaouennou zo bet skrivet diwar e benn.