Film birvidik
| Iskevrennad eus | action fiction, film  |
|---|---|
| Anv berr | action |
| Roll elfennoù | list of action films |
Ur film birvidik[1] a vez graet eus un doare film hag a zo diazezet war lodennoù stourm, fuzuilhadennoù, tarzhadennoù, ha koursadennoù. Tabut a oa kroget er bloavezhioù 1980 gant an enklaskerien skol-veur evit gouzout petra a oa elfennoù ur film da vezañ lakaet da film birvidik. Evit enklaskerien zo evel David Bordwell ez eo ar seurt filmoù-se reoù gant ur c'hoant degas un arvest muioc'h evit ur c'hoant da gontañ un istor. Lod all evel Geoff King a embann o dez an doareoù filmoù-se lodennoù birvidik evit skañvaat an istor. Alies e vez ar filmoù birvidik ur c'hemmesk eus meur a zoare film, kemmesket gant komediennoù, filmoù skiant-faltazi, ha filmoù spont.
An troiennoù "action film" pe "action adventure film" a oa bet implijet abaoe ar bloavezhioù 1910, met an termenadur a implijer hiziv an deiz evit an doare filmoù-se a zo deuet gant luskad an New Hollywood ha kresk an enep-harozed er filmoù stadunanat e fin ar bloavezhioù 1960, hag e filmoù brezel ar bloavezhioù 1970, gant kresk ar filmoù torfederezh ha western. An doareoù filmoù-se a oa bet heuliet gant ar pezh a zo deuet da vezañ "marevezh klasel" ar bloavezhioù 1980. Goude-se e oa ar mare post-klasel ma oa levezonet ar filmoù birvidik stadunanat gant Sinema birvidik Hong Kong hag implij ledanoc'h-ledanañ skeudennoù savet gant an urzhiataer er filmoù. Goude Gwalldaolioù an 11 a viz Gwengolo 2001 e oad distroet d'ar filmoù-se en doare kentañ ma oant gant Kill Bill pe The Expendables.
Notennoù
[kemmañ | kemmañ ar vammenn]- ↑ TermOfis: film birvidik | film d'action