Film (sinema)

Iskevrennad eus	Kleweled, skeudenn fiñvus, oberenn arzel arvest
Studiet gant	film theory, studiadenn film, sociology of film
Hashtag	movies
Dezverket dre	doare film
Model item	12 Angry Men, Berlin: Symphony of a Metropolis, Relatos Selvagens, Star Wars: Episode IV – A New Hope, Elevator to the Gallows
Stack Exchange site URL	https://movies.stackexchange.com
Category for eponymous categories	Category:Wikipedia categories named after films

Ur film zo un oberenn arz ar gweled hag a rann mennozhioù, istorioù, fromoù pe un aergelc'h dre implij skeudennoù hag a fiñv hag a zo peurliesañ, abaoe ar bloavezhioù 1930, sinkronelet gant son hag implijet a-wechoù evit broudañ ar santadennoù^[1].

Dont a ra ar ger "film" eus ar saozneg hag amprestet eo bet gant kalz yezhoù. Talvezout a ra, er yezh-se, kement ha "lienenn, koc'henn" hag implijet e vez evit ober anv eus ar seizenn keluloid a dalvez da skor d'an enrollañ skeudennoù. Dre ledanviñ ez a ar ger "film" da envel ivez disoc'h an enrollañ war ur seizenn seurt-se.

Ar filmoù a zo produet en ur enrollañ tud hag objedoù gant ur c'hamera pe meur a hini, pe dre implij teknikoù an efedoù ispisial. Savet int gant un heuliad skeudennoù o-unan met pa vezont lakaet war ziskouez buan diouzh renk, e vez krouet touelladenn ar fiñv d'an arvesterien. An tremen eus an eil skeudenn d'eben ne vez ket merzhet dre efed padusted al lagad, pa vez al lagad o terc'hel ur skeudenn e-pad ul lajadig amzer berr (nebeutoc'h evit ur segondenn) ha pa vefe paouezet ar c'has gant ar vammenn.