Mont d’an endalc’had

Enkelados mab Ouranos

Eus Wikipedia
Athena oc'h en em gannañ gant Enkelados war ur pod pri eus Attika, w.d. 550 kent JK500 kent JK (Louvre)

Enkelados (henc'hresianeg Ἐγκέλαδος ) a oa unan eus ar Ramzed e gwengelouriezh Hellaz. Ganet e oa diwar Gaia (an Douar), hag Ouranos (an Oabl). Stourm a reas ouzh Athena e-kerzh Brezel ar Ramzed . Beziet e voe er Menez Etna, e Sikilia.

Gwengel[kemmañ | kemmañ ar vammenn]

Enkelados a oa unan eus ar Ramzed, ganet diwar gwad Ouranos pa gouezhas war an Douar en deiz ma voe spazhet an doue gant e vab Kronos. Ar Ramzed a vrezele a-enep Zeus ha Doueed an Olimpos ha graet e vez Gigantomac'hia ag an emgann-se, ar gad veur evit derc'hel ar c'hosmos. Ur Ramz anvet Enkelados, o stourm ouzh Athena, a c'haller gwelet war ur pod oberiet ha kinklet en Attika er VIvet kantved kent JK.

En Ion, e skriv Euripides e tremenas an emgann en Azeuldi Apollo Delfi, lec'h ma "voe savet skoed-gorgon Athena a-enep Enkelados".

Abeg an dispuilh tanveneziek hag ar c'hrenoù-douar[kemmañ | kemmañ ar vammenn]

Ag Enkelados (evel euzhviled a zo bet beziet dindan menezioù-tan) e lavared e oa abeg an dispuilh tanveneziek hag ar c'hrenoù-douar. Dispuilhoù Menez Etna a veze graet c'hwezh Enkelados anezho, hag ar c'hrenoù-douar a darzhe pa oa korf Enkelados o eilpennañ. Da skwer e Virgil:

Enkelados, e gorf rufanet gant luc'hed,
toullbac'het, gourvezet, a vane bev:
e anal a rae ar c'hwezhoù tan
eus skalfoù Aitna ; ha ma tivize eilpennañ
hag e lakaat en tu arall, Inizi Trinakria
a grene, hag ar moged a c'holoe an oabl.[1]

Barzhoneg Aetna ag ar c'hantved 1añ (Marteze skrivet gant Lucilius ar Yaouank):

E doureier Trinakria e varvas Enkelados, hag a voe beziet dindan an Aitna. Ar menez a-us e benn, e teuc'he dizehan, gant c'hwezadennoù tan gwastus ag e gorzailhenn.

Daveoù[kemmañ | kemmañ ar vammenn]

  1. Virgil, Aeneis 3.570–587.