Emglev Enep-Komintern
| Anv ofisiel | 共産「インターナショナル」ニ対スル協定及附属議定書  |
|---|---|
| Anv berr | 日独防共協定 |
| Stad | Trede Reich, Impalaeriezh Japan |
| Lec'h | Berlin |
| A dalv evit tiriad | Trede Reich, Impalaeriezh Japan |
| Deiziad | 25 Du 1936 |
| Perzhiad | Trede Reich, Impalaeriezh Japan |
| Signatory | Joachim von Ribbentrop, Kintomo Mushanokōji |
| Law identifier | 昭和11年条約第8号 |
An emglev Enep-Komintern,[1] end ofisiel an Emglev a-enep ar gomunouriezh etrebroadel[2] a oa un emglev enepkomunour sinet etre Alamagn nazi hag Impalaeriezh Japan d'ar 25 a viz Du 1936 hag ar pal a oa enebiñ ouzh ar gomunouriezh etrebroadel (Komintern). Sinet e oa bet gant ministr an aferioù estren alaman Joachim von Ribbentrop ha kannadour Japan en Alamagn Kintomo Mushanokōji[3]. Italia a oa bet o tont e-barzh an emglev e 1937 (a-raok e oa bet o sinañ an emglev italian-soviedel[4] gant ar pal enebiñ ouzh Hitler evit ul lodenn), met sellet a reer ouzh ar vro-se evel pa vije bet un ezel abaoe krouidigezh an emglev. Spagn hag Hungaria a oa bet ouzhpennet e 1939. Broioù all a oa bet ouzhpennet e-kerzh an Eil Brezel-bed[5].
Japaniz o devoa gwelet an emglev enep-Komintern evel un harp a-enep an Unvaniezh Soviedel, hag evel-se e oa bet gwelet gant Soviediz ivez[6]. Ur protokol kuzh a oa stag ouzh an emglev ofisiel hag a resisae ur politikerezh unvan etre Japan hag Alamagn a-enep an URSS end-eeun[3][7].
Goude miz Eost 1939, Japan a oa bet o pellaat diouzh Alamagn goude sinadur an Emglev Molotov-Ribbentrop[8]. Goude an Emglev enep-Komintern e oa bet unan nevez e miz Gwengolo 1940 anvet an Emglev Trifennek, hag a selle ouzh Stadoù-Unanet Amerika evel an dañjer brasañ, brasoc'h evit na oa an URSS (memes ma oa ivez ul lodenn eus an emglev a-enep URSS[9]) ; a-benn miz Kerzu 1941, e gwirionez, ne dalveze ket ken[10]. An emglev Enep-Komintern a voe adnevesaet e miz Du 1941 ha neuze e voe gwelet izili nevez o sinañ[5]. An Trede Reich a wele sinadur an Emglev-se evel un test "uhel a lealded"[11].
An emglev a oa echuet gant fin an Eil Brezel-bed.
Notennoù ha daveennoù
[kemmañ | kemmañ ar vammenn]- ↑ (alamaneg: Antikominternpakt; italianeg: Patto anticomintern; japaneg: 防共協定, Bōkyō kyōtei)
- ↑ (alamaneg: Abkommen gegen die Kommunistische Internationale; japaneg: 共産「インターナショナル」ニ対スル協定, Kyōsan "intānashonaru" ni taisuru kyōtei)
- ↑ 3,0 ha3,1 (1982) Der Nationalsozialismus: Dokumente 1933–1945 (in de). Frankfurt/Main : Fischer Taschenbuch Verlag. ISBN 3596260841.
- ↑ (30 a viz Eost 2003) Girding for Battle: The Arms Trade in a Global Perspective, 1815–1940 (in en). Bloomsbury Academic. 180 p. ISBN 978-0-275-97339-1.
- ↑ 5,0 ha5,1 Osmanczyk, Edmund J. (1990). The Encyclopedia of The United Nations and International Relations, 2nd, Bristol : Taylor and Francis. ISBN 0850668336.
- ↑ (2015) Politics and Ideology, The Cambridge History of the Second World War. Cambridge : Cambridge University Press. ISBN 9781107034075.
- ↑ Weinberg, Gerhard L. (1954). "Die geheimen Abkommen zum Antikominternpakt. Dokumentation.". Vierteljahrshefte für Zeitgeschichte 1954/2: 193–201
- ↑ (1998) The Attack on the Soviet Union, Germany and the Second World War. Oxford : Clarendon Press. ISBN 0198228864.
- ↑ Ciano, Galeazzo (1980). 1937–1938: Diario (in it). Milan : Cappelli Editore.
- ↑ Schroeder, Paul W. (1958). The Axis Alliance and Japanese-American Relations, 1941. Cornell University Press. 154 p. ISBN 0801403715.
- ↑ Goda, Norman J. W. (2015). "The diplomacy of the Axis, 1940–1945.". The Cambridge History of the Second World War: 276–300. DOI:10.1017/CHO9781139524377.015