Emgann Mons
| Rann eus | emgann an Harzoù  |
|---|---|
| Bro | Belgia |
| Lec'h | Mons |
| Daveennoù douaroniel | 50°28′44″N 3°57′0″E |
| Deiziad | 23 Eost 1914 |
| Perzhiad | Rouaned Breizh-Veur hag Iwerzhon |
| Order of battle | order of battle at Mons |
Emgann Mons, pe Kentañ emgann Mons evit ober un diforc'h gant un emgann all diwezhatoc'h er brezel, a oa bet ar c'hentañ emgann bras gant an nerzh-kas breizhveuriat (BEF) e-kerzh ar Brezel-bed kentañ. Bez e oa ul lodenn eus Emgann an harzoù, ma oa bet ar Gevredidi o stourm evit talañ ouzh an arme alaman war an harzoù etre Alamagn ha Bro-C'hall. E Mons, an tirlu breizhveuriat a oa bet o klask derc'hel mat an talbenn a-hed al linenn savet gant ar ganol Mons–Condé e-tal argadenn ar 1añ lu alaman.
Stourmet e oa bet en un doare kalonek gant al lu breizhveuriat ha deuet e oa a-benn da lazhañ pe gloazañ kalz a Alamanted, hag a oa kalz niverusoc'h, met rediet e oant bet da gilañ. Kilet o doa en un doare prim ha dic'hortoz Gallaoued Pempvet lu (jeneral Charles Lanrezac), ar pezh a oa bet o krouiñ un toull e tu dehoù talbenn an nerzh-kas. Daoust ma oa bet soñjet da gentañ evel ur steuñv kilañ strategezl simpl ha sevenet en un doare urzhiet, kilet e oa bet gant Breizhveuridi betek Mons e-kerzh div sizhun hag echuet e oa gant ar BEF nepell diouzh Pariz, a-raok un enebargadenn asambles gant ar C'hallaoued, e-kerzh Kentañ emgann ar Marne.