Embregerezh milourel prevez
).jpg)
Embregerezh milourel prevez pe embregerezh milourel ha surentez prevez a vez graet eus un embregerezh prevez hag a bled gant servijoù liammet ouzh ar brezel pe ar surentez. An embregerezhioù-se a ra "kevratourien surentez" pe "kevratourien vilourel prevez" eus o izili.
Ar servijoù hag ar vailhoni kinniget gant seurt embregerezhioù a zo damheñvel ouzh ar re a vez kinniget gant servijoù surentez, armeoù pe polis ar gouarnamantoù met alies ne vo ket ken ledan an dachenn oberiantiz. Ouzhpenn ar servijoù-se, an EMP a ginnig ivez servijoù gourdoniñ pe harpañ nerzhioù lu ar gouarnamantoù, met gellout a reont ivez bezañ dindan gevrat gant embregerezhioù prevez evit degas ur servij gwarded-korf evit pennoù an embregerezh pe evit gwareziñ tud arbennikaet, dreist-holl e tiriadoù dañjerus.
En desped da se, ar gevratourien a implij armoù war un dachenn brezel a c'hell bezañ gwelet evel e-maez lezenn hervez ar pezh a gaver e Kenemglevioù Geneva pe ar pezh a zo displeget e lezenn bodadeg vilourel 2006 Stadoù-Unanet Amerika[1].
Notennoù ha daveennoù
[kemmañ | kemmañ ar vammenn]- ↑ Barnes, Julian E. (2007-10-15). "America's own unlawful combatants?", Los Angeles Times.