Elvira Ramírez

Eus Wikipedia

Elvira Ramírez (circa 934 – circa 986) a oa merc'h da Ramiro II León ha da Urraca Sánchez. C'hoar e oa d'ar rouaned Ordoño III ha Sancho Iañ.

Da zaouzek vloaze voe lakaet en ur gouent. Ne voe ket anv anezhi e-keit ma renas he daou vreur.

Anvet e voe da rejantez e bloavezhioù kentañ he niz Ramiro III, roue da bemp bloaz.

Hervez Justiniano Rodríguez e oa div gostezenn el lez, hag Elvira Ramírez e penn unan ha Teresa Ansúrez, mamm ar roue bihan, e penn eben.

Er galloud e chomas ar gostezenn gentañ betek emgann San Esteban de Gormaz, kollet en 975.

Levrlennadur[kemmañ | kemmañ ar vammenn]

  • Lucy K. Pick, Dominissima prudentissima: Elvira, First Queen-Regent of León, Religion, Text and Society in Medieval Spain and Northern Europe, 2002, pp. 38–69.
  • Rodríguez Fernández, Justiniano Ramiro II, rey de León 1998 Burgos: La Olmeda ISBN 84-89915-01-6 páginas 279-281
  • Alfonso Ceballos-Escalera Reyes de León: Ordoño III (951-956), Sancho I(956-966), Ordoño IV (958-959), Ramiro III (966-985), Vermudo II (982-999). Editorial La Olmeda Burgos. 2000 ISBN 84-89915-11-3 página 130

Pennadoù kar[kemmañ | kemmañ ar vammenn]