Eil lizher Sant Yann
Emañ tri Lizher Sant Yann e-touez Lizheroù Katolik an Testamant Nevez. Hervez Maodez Glanndour[1] e vefe bet skrivet al lizheroù-mañ etre 95 ha 105 GJK, war-dro fin buhez an abostol, d'ar mare ma skrive e aviel.
Gant piv eo bet skrivet ?[kemmañ | kemmañ ar vammenn]
« Gant an abostol Sant Yann, hervez an hengoun, eo bet skrivet al lizher-mañ[...](Lizher kentañ Sant Yann)» a skriv Maodez Glanndour. « Daoust n'int sinet nemet gant un ano diresis, « an Henaour », ez int bet lakaet a viskoazh dindan ano Sant Yann. E soñjoù, e zoare a gaver enno evit gwir, ha diaes eo krediñ e vefe bet roet ano an Abostol da skridoù ken dister, mar ne vefent ket eus e zorn. »[2] a lavar a-zivout an eil hag an trede lizher.
Da biv e voe kaset Eil lizher Sant Yann ?[kemmañ | kemmañ ar vammenn]
« Diaes eo gouzout pehini eo an Iliz a zo bet kaset dezhi an eil lizher : amañ evel evit al lizher kentañ eo moarvat unan eus ilizoù Azia a oa Yann penneskob warni. »[3]
Danvez al izher[kemmañ | kemmañ ar vammenn]
An eil hag antrede lizher a zo lizheroù berr, bilhedoù kentoc'h. An eil a lavar d'un iliz, eus Azia-vihanañ moarvat, teurel evezh ouzh kelennadurezhioù zo a nac'h an enkorfadur[4]
Notennoù ha daveennoù[kemmañ | kemmañ ar vammenn]
- ↑ {br}Digoradur d'al Lizheroù Katolik, eil levrenn troidigezh an Testamant Nevez, Al Liamm 1971, p 535
- ↑ {br} Maodez Glanndour, digoradur d'al Lizheroù Katolik, Al Liamm, 1971, p 535
- ↑ {br}Maodez Glandour, Digoradur d'al Lizheroù Katolik, Al Liamm, 1971, p 535
- ↑ {fr} La Sainte Bible, cerf, 1961, p 1396