Mont d’an endalc’had

Eil argadenn Iași–Chișinău

Eus Wikipedia
Eil argadenn Iași–Chișinău
argadenn vilourel
Rann eusTalbenn ar Reter Kemmañ
StadUnaniezh ar Republikoù Sokialour ha Soviedel, Roumania Kemmañ
Lec'hMoldavia Kemmañ
Deiziad29 Eos 1944 Kemmañ
Deiziad kregiñ20 Eos 1944 Kemmañ
Deiziad echuiñ29 Eos 1944 Kemmañ

Eil argadenn Iași–Chișinău pe Eil argadenn Jassy–Kishinev[1][2][3] [4], a c'hall bezañ anvet e modoù all hervez ar mammennoù istorel, en o zouez Oberiadur Yassy–Kishinev (Chris Bellamy, 1986), Oberiadur Iassi–Kishinev (David Glantz, 1997), Eil oberiadur Iasi–Kishinev (David Glantz, 2007) a-ziwar anv kêrioù bras Iași (Jassy) ha Chișinău (Kishinev), en tiriad ma veze stourmet d'ar mare-se, a voe un argadenn soviedel a-enep nerzhioù an Ahel e reter Roumania, etre an 20 hag an 29 a viz Eost 1944, e-kerzh an Eil Brezel-bed. An Eil hag an Trede talbenn ukrainian eus al Lu Ruz o devoa taget Strollad Arme Su Ukraina, a oa savet gant unvezioù eus an Alamagn Nazi ha Roumaned, en un oberiadur-brezel evit adkemer Besarabia ha distrujañ nerzhioù an Ahel er rannvro, da glask boulc'hañ un hent war-zu Roumania hag ar Balkanioù.

Disoc'h an argadenn a oa bet kelc'hiadur ha distruj an nerzhioù lu alaman, o reiñ an tu d'al lu soviedat da genderc'hel gant e lañs strategel war-zu Reter Europa. Dre an disoc'h-se e oa bet Roumania o cheñch tu ha treiñ eus an Ahel etrezek ar Gevredidi. Evit an Alamanted e oa bet ur c'holl spontus, hag a c'hell bezañ keñveriet gant koll Stalingrad.

Ar c'holloù a oa bet 13 197 den marvet, 53 933 gloazet pe klañv evit URSS. E tu Roumania a stourme asambles gant URSS e oa bet 8586 den lazhet pe gloazet. E tu an Alamanted e oa bet 150 000 den lazhet, gloazet pe prizoniet. Evit ar gostezenn eus Roumania a stourme a-du gant an Trede Reich e oa bet un niver a chom dianav met uhel-mat.

Notennoù ha daveennoù

[kemmañ | kemmañ ar vammenn]
  1. Erickson, John (1983). The Road to Berlin: Continuing the History of Stalin's War with Germany. New York : Routledge. 345, 350, 374 p. ISBN 9780429314353. 
  2. Major R. McMichael, The Battle of Jassy–Kishinev, (1944), Military Review, Gouhere 1985, pp. 52–65
  3. Dmitriy Loza, James F. Gebhardt, Commanding the Red Army's Sherman Tanks, chabistr "A cocktail for the Shermans", p.43
  4. roumaneg: Operațiunea Iași-Chișinău
    rusianeg: Ясско-кишинёвская стратегическая наступательная операция– oberiadur strategel argadenn Jassy–Kishinev