Dreyse M1907
| Dreyse Modell 1907 | |
|---|---|
 Ur bistolenn Dreyse Modell 1907 | |
| Kinnig | |
| Bro orin |  Impalaeriezh alaman |
| Doare | Pistolenn damaotomatek |
| Mont en-dro | Tennata dre argil simpl |
| Munisionoù | 7,65 × 17 mm Browning (.32 ACP) 9 mm Parabellum (kentpatromoù) |
| Ijiner | Louis Schmeisser |
| Produer | Rheinische Metallwaaren- und Maschinenfabrik AG |
| Mare produiñ | 1907-1918 |
| Niver produet | War-dro 250 000 |
| Perzhioù teknikel | |
| Mas (hep kartouchenn) | 710 g |
| Hirder | 160 mm |
| Hirder ar c'hanol | 92 mm |
| Endalc'h | Karger fiñv 7 kartouchenn |
| Lezenn | |
| Rummad e Bro-C'hall | B |
An Dreyse Modell 1907 zo ur bistolenn damaotomatek ijinet gant Louis Schmeisser ha produet etre 1907 ha 1918 gant an embregerezh alaman Rheinische Metallwaren- und Maschinenfabrik Aktiengesellschaft (Rheinmetall hiziv an deiz). Anvet e voe an arm en enor da Johann Nikolaus von Dreyse.
Deskrivadur
[kemmañ | kemmañ ar vammenn]An Dreyse M1907 zo dezhi ur sistem-tennata dre argil simpl. He c'harger fiñv a c'hall degemer 7 kartouchenn 7,65 mm Browning. A-dreñv d'he c'hulasenn e kinnig an Dreyse M1907 un ibil hag a ziskouez hag eo armet ar skoer pe get[1].
Esaeoù a voe graet e 1910 ha 1911 evit kinnig ur stumm e 9 mm Parabellum abalamour da interest servijoù polis pe maltouterezh 'zo evit ar c'halibr-mañ, met dilezet e voe ar raktres abalamour da gudennoù stag ouzh gwinterell re galet an arm[2].
Implij
[kemmañ | kemmañ ar vammenn]War-dro 250 000 skouerenn eus an Dreyse M1907 a voe produet etre 1907 ha 1918. Implijet e voe an arm gant arme Aostria-Hungaria da vare ar Brezel-bed Kentañ, ha gant servijoù polis a bep seurt en Alamagn, evel archeriezh Saks pe polis-kêr Berlin[2]. Chom a reas e servij e unvezioù eus ar polis alaman berek ar bloavezhioù 1930, ha roet e voe d'ar milisoù Volkssturm ha Volksgrenadier e dibenn an Eil Brezel-bed. Kalz skouerennoù a voe degaset d'ar gêr evel trofeoù gant soudarded stadunanat, goude dibenn ar brezel.
Daveennoù
[kemmañ | kemmañ ar vammenn]- ↑ (fr) McNAB Chris, Armes à feu Encyclopédie visuelle, L'Imprévu, 2022, p. 75
- 1 2 (en) Dreyse Model 1907, The Armourer's Bench (lennet d'ar 01/06/2025)
