Dreadnought

Eus Wikipedia
Sauter à la navigation Sauter à la recherche
An HMS Dreadnought 1906 eus ar Royal Navy, ar c'hentañ bag doare dreadnought

An dreadnought (which dreads nought : "n'en devez aon rak netra") e oa al lestr-hobregonet diazez e penn-kentañ an XXvet kantved. Ar c'hentañ hini implijet gant ar Royal Navy, an HMS Dreadnought, a oa bet ken souezhus ul lestr pa oa bet moret e 1906 ma chomas stag an anv ouzh ar bigi dammheñvel outañ.
Graet e vez pre-dreadnoughts eus ar bigi a oa bet savet a-raok 1906. Daou gemm bras zo bet degaset gant ar rummad dreadnought : un armañ doare all-big-gun (kanolioù tev nemetken), gant kalz muioc'h a ganolioù ponner evit ar bigi en a-raok, hag ur motor dre aezhenn.

An dreadnought diwezhañ, USS Texas BB-35 (1912-1948) eus an US Navy, e Houston.
Ul lestr-mirdi eo bremañ, livet e Measure 21, Navy Blue System Camoflage evel ma oa e-pad an Eil Brezel-bed. Empennet e oa bet an touellivadur evit ma vije diaesoc'h d'an nijerezed e ziskoachañ war ar c'heinvor.

Tresoù[kemmañ | kemmañ ar vammenn]

Pal diazez saverien ar bigi doare dreadnought a oa kaout ar muiañ a hobregon, tizh, hag armamant posubl evit ur vag marc'had-mat. Mennozh diazez an dreadnought a oa bezañ ur vag gant un armamant "all-big-gun". Ne oa ket disoñjet an hobregon dreist-holl a live linenn vor ar vag. An armamant a-eil, kreizenn an tan, hag an difenn enep torpilhennoù a oa pouezus ivez.

Kreskan niver a vigi brezel adalek 1905 ha war-lerc'h. An doare bigi brezel dreadnought a ya war-gresk kalz etre 1905 ha 1920, a-raok ma vefe enaouet ar Washington Naval Treaty e 1922