Pêr Trepos

Eus Wikipedia

Pêr Drepoz, pe Pêr Trepoz, pe Pierre Trépos hervez ar galleg, a oa ur skolveuriad breizhat, ganet d'an 31 a viz Genver 1913 e Plozeved, er Vro Vigoudenn, ha marvet en Arzh d'an 12 a viz Genver 1966. Anavezet eo evel yezhadurour, ha komper Per-Jakez Heliaz er skingomz vrezhonek. Skolveurieg e oa war ar saozneg ha doktor war al Lizhiri.

E vuhez[kemmañ | kemmañ ar vammenn]

Studiañ a reas e liseoù Kemper ha Roazhon, gant ur yalc'had e 1931 ha 1932. Ac'haleno ez eas da Bariz d'ar Sorbonne e-pad daou vloaz. Skolaer e voe goude e Pont-'n-Abad.
E 1938 e teuas da Gemper en-dro evit bezañ kelenner war ar saozneg.
Prizoniad-brezel en Alamagn eus Gwengolo 1939 betek Meurzh 1943 e renas un obererezh kuzh a-enep an enebour alaman ken e resevas ar groaz-vrezel evit bezañ bet harp d'an Harzerezh.

E 1946 ez eas da gelenner da Roazhon ha gounit a reas kenstrivadeg ar skolveuriekadur e 1947.

E 1956 e c'hounezas an doktorelezh diwar kinnig er skol-veur ar Sorbonne e dezenn "le pluriel breton" (al liester e brezhoneg) ha gant an addezenn " Le vocabulaire de la ferme" (geriaoueg an atant), un testeni dibar war termenoù ar gounezerezh en amzerioù tremenet. Tapout a reas ur meneg "dereat-tre".

Brudet eo bet e-touez ar vrezhonegerien er bloavezioù 1950 ha 1960 pa c'hoarie sketchoù brezhonek fentus gant Per-Jakez Heliaz war wagennoù Radio-Kimerc'h. Eñ a oa Gwilhou vihan o tivizout gant Jakez Kroc'hen (P.-J. Helias).

Marvet eo bet a-daol-trumm e 1966 pa oa o neuial er mor e-tal enez Arzh (Bro-Wened - Mor-Bihan) ha n'en doa ket bet amzer d'echuiñ e yezhadur met embannet eo bet diwar e notennoù gant A. Hamon ha Pêr-Jakez Helias. Peuzechu e oa e yezhadur neuze un oberenn hogos klok eo, pinvidik-tre ha nes-tre d'ar yezh prezeget gant ar vrezhonegerien a-vihanik ha graet evit bezañ implijet gant pep brezhoneger.


Oberennoù[kemmañ | kemmañ ar vammenn]

E brezhoneg[kemmañ | kemmañ ar vammenn]

E galleg[kemmañ | kemmañ ar vammenn]

Anavezetoc'h eo labour Pêr Trepos war ar yezh eget war al lennegezh.

  • Dialectologie et phonétique expérimentale (Sur deux ouvrages de M. Falc'hun) ; in Nouvelle Revue de Bretagne, 1951.
  • Les Saints bretons dans la toponymie, tiré à part des Annales de Bretagne, fasc. LX/1, 1953, 35 pp.
  • La Notation des toponymes bretons, tiré à part des Annales de Bretagne, fasc. LX/?, 1953, 11 pp.
  • Le Pluriel breton (thèse), Brest, Emgleo Breiz, 1956, 304 pp. (en coédition avec les Annales de Bretagne dont c'est le fasc. LXIII/2).
  • Cent textes à traduire en breton, précédés de Conseils au traducteur, Brest, Emgleo Breiz, 1957, 91 pp.
  • À propos d'une réédition du Barzaz Breiz, Rennes, Imprim. réunies, 1960 (tiré à part des Annales de Bretagne, fasc. LXVI/4, 1959).
  • Enquêtes sur le vocabulaire breton de la ferme (thèse complémentaire), tiré à part des Annales de Bretagne, Tomes LXVII-LXVIII, 1960-1961), 157 pp. Adembannet gant Brud Nevez e Brest e 1982.
  • Le Catholicon de Jean Lagadeuc, Brest, Emgleo Breiz, 1965, 54 pp., fac-sim. (tité à part des Annales de Bretagne, fasc. LXXI/4, 1964).
  • Grammaire Bretonne. Imprimerie Simon, Roazhon, 1966/67. Adembannet e 1980 gant Ouest-France, ha gant Brud Nevez goude.
  • Enquêtes sur le vocabulaire breton de la ferme, Annales de Bretagne LXVII-LVIII,1960-1961. Brud Nevez, 1982 (eil embannadur)[1].

Notennoù[kemmañ | kemmañ ar vammenn]

  1. Persée. Kavet : 28/03/2020.