Mirdi Bode

Eus Wikipedia
Mirdi Bode
Mirdi Bode e 1904

Mirdi Bode (alamaneg : Bode-Museum) a zo unan eus ar mirdioù a gaver en Enezenn ar mirdioù e Berlin. Treset eo bet steuñv ar mirdi gant Ernst von Ihne hag e chuet e voe ar chanter e 1904. Er penn-kentañ e voe anvet Kaiser-Friedrich-Museum diwar anv an impalaer Friedrich III. E 1956 e voe kemmet an anv da enoriñ ar mirour kentañ, Wilhelm von Bode e anv.

Serret e voe ar mirdi a-benn bezañ kempennet e 1997, ha digoret en-dro d'an 18 a viz Here 2006[1] Ennañ e kaver delwennoù, arz bizantian, pezhioù ha medalennoù.[2]. En dastumad delwennoù e kaver oberennoù kristen ar Reter, re eus Bizantion ha Ravenna, re all eus ar Grennamzer, arz gotek italian hag eus penn-kentañ an Azginivelezh. Kavout a reer ivez oberennoù eus dibenn an arz gotek alaman (Tilman Riemenschneider) re eus an Azginivelezh e su Alamagn, hag arz barok prusian (betek an 18vet kantved).

Er Münzkabinett e kaver unan eus brasañ dastumadoù pezhioù-moneiz a zo er bed. Pezhioù eus ar 7vet kantved kent JK betek an deiz a hiziv a zo. En holl ez eus war-dro 500 000 pezh en dastumad.

Skeudennoù[kemmañ | kemmañ ar vammenn]

Notennoù[kemmañ | kemmañ ar vammenn]


Liammoù diavaez[kemmañ | kemmañ ar vammenn]


Commons
Commons
Muioc'h a restroù diwar-benn

a vo kavet e Wikimedia Commons.

Porched Alamagn – Adkavit pennadoù ha rummadoù Wikipedia a denn da Alamagn.