Marc'harid Aostria (1480-1530)

Eus Wikipedia
Marc'harid Aostria
den
Reizh pe jenerplac'h Kemmañ
Bro ar geodedouriezhSpagn Kemmañ
Anv e yezh-vamm an denMargarete von Österreich Kemmañ
Anv-bihanMargareta Kemmañ
Titl noblañspriñsez, duchess Kemmañ
Deiziad ganedigezh10 Gen 1480 Kemmañ
Lec'h ganedigezhBrussels Kemmañ
Deiziad ar marv1 Kzu 1530 Kemmañ
Lec'h ar marvMechelen Kemmañ
Lec'h douaridigezhroyal monastery of Brou Kemmañ
TadMasimilian Iañ an Impalaeriezh Santel Kemmañ
MammMari Bourgogn Kemmañ
Breur pe c'hoarCornelius of Austria, George of Austria, Fulup Iañ Kastilha Kemmañ
PriedPhilibert II, Duke of Savoy, Juan Aragon ha Kastilha Kemmañ
FamilhTiegezh Habsburg Kemmañ
Yezhoù komzet pe skrivetgalleg Kemmañ
Yezh implijet dre skridgalleg Kemmañ
Micherdignitary, patron of the arts, collector, livour, sonaozour Kemmañ
KargGovernor of the Spanish Netherlands, Governor of the Spanish Netherlands Kemmañ
Lec'h labourPariz, Mechelen Kemmañ
Contributed to creative workFemmes-Poëtes de la France Kemmañ
Perc'henn warArnolfini Portrait Kemmañ
Deskrivet dreMargareta of Austria, Margaret of Austria, Margaret of Austria (1480-1530) Kemmañ
Statud e wirioù aozerAr gwirioù aozer ne dalvezont ket ken Kemmañ
Marc'harid Aostria
Poltred Marc'harid Aostria gwisket en intañvez.

Marc'harid Aostria (1480-1530), merc'h da Masimilian Iañ an Impalaeriezh Santel ha da Mari Bourgogn (1457-1482), a oa arc'hdugez Aostria, dugez Bourgogn ha Savoia, gouarnerez an Izelvroioù bourgognat evit he niz Karl V.

Dimezet da dri bloaz[kemmañ | kemmañ ar vammenn]

D'ar 27 a viz Meurzh 1482, pa varvas he mamm Mari Bourgogn, e taolas Loeiz XI, roue Bro-C'hall, he c'hrabanoù war Artez, Franche-Comté, Charolais, Mâconnais hag Auxerrois, hag evit diazezañ e daol preizherezh e varc'hatas gant Masimilian yaouank dimeziñ e vab, an daofin Charlez ( a vo Charlez VIII), gant Marc'harid, merc'h Masimilian, (Feur-Emglev Arras, 1482).

Madoù Marc'harid Aostria entre feureglevioù Arras (1482) ha Strasbourg (1505)

En 1483, pa ne oa Marc'harid Bougogn nemet 3 bloaz, e voe kaset da Amboise da vezañ savet evel Merc'h Bro-C'hall gant Madame de Segré, dindan urzhioù Anne de France, itron Beaujeu, merc'h da Loeiz XI ha rejantez ar rouantelezh. Savet e voe ar plac'hig pell diouzh he zud, war lez al Liger, e galleg eta, hogen moumounet gant an holl. He danvez-pried a oa dek vloaz koshoc'h a oa karadek en he c'heñver ha tomm e oa-hi outañ. Met en 1491, dre abegoù politikel, e voe kaset kuit gant Charlez VIII a zimezas da Anna Breizh.

Kaset kuit e voe en 1491 (ha n'eo ket e 1489 evel a vez lavaret a-wechoù). En miz Here 1490 c'hoazh en devoa Charlez graet al le war ar Pevar Aviel da zoujañ peoc'h Frankfurt, ha hervez ar skrid anezhañ e ranke eurediñ da Varc'harid.

Koulskoude eo adalek 1488 e oa brud eus kas kuit Marc'harid Aostria, da lavarout eo da lezel Artez ha Franche-Comté evit kemer Breizh, petra bennak ma voe dimezet Anna Breizh e 1490 (dre hanterouriezh) da Vasimilian, tad Marc'harid. Sur e oa neuize Marc'harid da vezañ rouanez, hag evit asuriñ anezhi a se en devoa ar roue Charlez lakaet poltrediñ anezhi gant Bourdichon, livour ofisiel al lez[1].

D'ar 25 a viz Du 1491 eta, e Baugé, e-kerzh un emgav gant Charlez eo e kemeras eñ ""koñje" anezhi, hogen e miz Kerzu en ofisiel, petra bennak ma c'haller lavarout ne veze ket graet dezhi evel d'ur rouanez ken adalek deroù 1491. Kuit e voe kaset d'he zad gant hec'h argouroù. Daou vloaz goude e voe sklaeraet he flanedenn gant feur-emglev Senlis (1493).

Droug a vagas Marc'harid ouzh Bro-C'hall a-hed he buhez, nemet ouzh Anna Breizh, a gemeras truez outi, ne reas ket, rak kenskrivañ ganti a reas[2].

Dimeziñ e Spagn[kemmañ | kemmañ ar vammenn]

Ha hi d'an Izelvroioù war he c'hiz ma oa gortozet gant Marc'harid York, intañvez he zad-kozh, Charlez an Her. He zad Masimilian neuze a grogas da varc'hata div eured gant ar Rouaned Katolik : hini e vab Fulup gant Janed Kastilha, ha hini Marc'harid gant an infant Juan Aragon ha Kastilha, pennhêr div rouantelezh, Rouantelezh Aragon ha Rouantelezh Kastilha.

E 1496 setu hi war an hent da Spagn eta. Bamet e voe Juan, a-hervez gant koantiz e zanvez pried. Hogen klañv e oa gant an droug-skevent ha mervel a reas c'hwec'h miz goude an eured, d'ar 4 a viz Here 1497.

Pa varvas Juan e oa dougerez Marc'harid. Ken glac'haret e oa gant marv he fried ma c'hanas he merc'h a-raok ar c'houlz, d'an 8 a viz Kerzu 1497, ha ma varvas ar bugelig. Daou vloaz c'hoazh e chomas e Spagn a-raok mont en-dro da gêr Bruxelles en 1500, da lidañ badeziant he niz ha filhor Charlez Aostria. Ne oa c'hoazh nemet 20 vloaz.

Dimeziñ adarre[kemmañ | kemmañ ar vammenn]

Dimezioù[kemmañ | kemmañ ar vammenn]

Teir gwech e voe dimezet, bugel ebet n'he doe.

He marv[kemmañ | kemmañ ar vammenn]

Mervel a reas divugel. Met ober a reas war-dro he nizez Marc'harid Aostria (1522-1586), bastardez Karl V ha Johanna Maria van der Gheynst. Honnezh a voe gouarnerez an Izelvroioù spagnol (1559-1567) evit he hantervreur Fulup II (Spagn).

Notennoù[kemmañ | kemmañ ar vammenn]

  1. Dihelloù broadel Bro-C'hall, KK76 : kontoù kambr ar roue.
  2. Henri Pigaillem, Anne de Bretagne, Taillandier 2012, p. 141.