Lankell

Div lankell.

Ur c'harrez zo ul lankell ivez.

Ul lankell, pe ur romb, zo ur pevarzueg dezhañ pevar zu keit-ha-keit.

Dezverkoù

Ur pevarzueg rez a zo ul lankell mard eo ha hepken mard eo gwir unan eus an traoù-mañ :

• Keit-ha-keit eo e bevar zu (dre dermenadur).
• A-serzh eo e dreuzvegennoù an eil war eben hag en o c'hreiz e kejont.
• E ziv dreuzvegenn a zo kreizkornennoù eus daou gorn diabarzh ragenep.
• Ur c'hensturieg dezhañ daou du kenheuilh keit-ha-keit eo.
• Ur c'hensturieg eo hag a-serzh eo e dreuzvegennoù an eil war eben.
• Ur c'hensturieg eo hag unan eus e dreuzvegennoù a zo ur greizkornenn eus ur c'horn diabarzh.

Amregenn ha gorreenn

Jediñ an amregad

Bezet a un tu eus ul lankell, gallout a reer jediñ hec'h amregad A :

$A=4a$.

Jediñ ar gorread

Bezet d diaz ul lankell, da lavaret eo ne vern pehini eus he zuioù, hag s he sav, gallout a reer jediñ he gorread G en hevelep doare hag ur c'hensturieg diforzh :

$G=d\times s$.

Bezet p ha q regadoù he zreuzvegennoù, gallout a reer jediñ he gorread evel-henn ivez :

$G={\frac {p\times q}{2}}$.