Kendalc'h Verona
Kendalc'h Verona a c'hoarvezas d'an 20 a viz Here 1822 e Verona, en Italia. Eno e oa bodet dileuridi eus stadoù Europa a oa bet trec'h war Impalaeriezh c'hall Napoleone Buonaparte en sell da gas ur politikerezh enep mennozhioù ar frankizourien ha da genderc'hel gant mennadoù Kendalc'h Vienna .
Evit broioù Emglev ar Pemp, pe an Emglev Santel, e oa an dud-mañ:
- Impalaeriezh Rusia: Aleksandr Iañ Rusia hag ar C'hont Karl Robert Nesselrode (ministr an aferioù diavaez);
- Impalaeriezh Aostria: ar Prins Klemens Wenzel von Metternich;
- Rouantelezh Prusia: ar Priñs Karl August von Hardenberg hag ar C'hont Christian Gunther von Bernstorff;
- Rouantelezh Bro-C'hall: dug Montmorency-Laval (ministr an aferioù diavaez); ha François-René de Chateaubriand, haga oa bet ministr e Berlin ha kannad e Londrez;
- Rouantelezh-Unanaet: Arthur Wellesley, Dug Wellington, deuet e-lec'h Robert Stewart, Beskont Castlereagh emlazhet e derc'hent ar C'hendalc'h.
Divizet e voe kas un arme c'hall enep frankizourien Spagn hervez goulenn roue Spagn, Fernando VII.
Kaoz a voe ivez eus Brezel Dizalc'hted Gres.