Gronant

Gronant zo ur gêriadenn vihan e hanternoz Kembre, e Sir y Fflint. Lec'hiet eo en arvor hanternoz Kembre, e gwalarn Sir y Fflint, war harzoù Sir Ddinbych. Emañ etre Prestatyn er gornaoueg ha Gwesbyr ha Talacre er reter. E kumuniezh Llanasa emañ Gronant.

Tost d'ar gêriadenn emañ Y Graig Fawr, an dorgenn gentañ en aradennad Bryniau Clwyd. Un tammig hent a gas eus ar gêriadenn d'an aod ha d'an tevennoù traezh a zo etre Prestatyn hag Y Parlwr Du. War an aod-se emañ al lec'h nemetañ e Kembre ma vez neizhiet gant ar skraviged c'hwiton.