Erec'htheüs

Erec'htheüs (Ἐρεχθεύς / Erekhtheús e gregach), a oa c'hwec'hvet roue mojennel kêr Aten. Mab e oa da Pandion ha Zeuksippe, ha mab-bihan da Eric'hthonios. Ur breur gevell en doa, Boutes e anv.

Dimezet e oa d'ar briñsez Praksithea, hag ur ribitailh bugale o doe:

• mibien : Kekrops, Orneüs, Thespios, Metion, Sikyon, Pandoros, Alkon hag Eupalamos;
• merc'hed: Prokris (a voe lazhet gant he fried, ar chaseour Kefalos), Kreousa, Oreithyia, C'hthonia, Protogeneia, Pandora (n'eo ket plac'h boest Pandora avat), ha Merope.