Bécassine (film)

Bécassine zo ur film gallek, sevenet e gwenn ha du gant ar filmaozour gall Pierre Caron e 1939.

Pa zeuas e-maez e penn-kentañ miz Gwengolo 1940 e lakaas brouez ruz e Breizh a-bezh en abeg d'an doare dismegañsus ma veze taolennet Breizhiz ennañ.

Adsavet e oa bet ar film gant Archives françaises du film ha bannet en-dro e Palez Tokyo (Pariz XVI) e 1993 tre dirak an aktourez Paulette Dubost he devoa dalc'het roll "Bécassine" en oberenn orin.

Fichenn deknikel

• Doare : Komedienn,
• Senario : Jean Nohain, azasaet diwar ar rummad bannoù-treset Bécassine gant Caumery (lesanv Maurice Languereau) hag Émile-Joseph Porphyre Pinchon,
• Divizoù : René Pujol,
• Produourien : Pierre Caron ha Charles Tenneson,
• Rener produiñ : Guy Lacourt,
• Kevredad dasparzhañ : Distribution Parisienne de Films,
• Renerien ar skeudenniñ : Willy Faktorovitch, François Franchi ha Marcel Villet,
• Ijinour ar son : Robert Teisseire,
• Aozer ar sonerezh orin : Raoul Moretti,
• Kinklourien : Jean Douarino ha Jacques Gut,
• Gwiskamantoù : ,
• Frammerien : Madeleine Cathelin hag André Gug,
• Prantad filmañ : bet kroget en nevezamzer 1939,
• Lec'hioù filmañ : Lannuon, Perroz-Gireg, Ploumanac'h ha Tregastell (Aodoù-an-Arvor),
• Deiziadoù dont e-maez : 3 a viz Gwengolo 1940 ( Bro-C'hall), 5 a viz Genver 1945 ( Belgia),
• Padelezh : 93'.

An danvez

Distro eo Bécassine, peizantez vreizhat dister anezhi, eus ur veaj dre ar bed. Keginerez eo e ti an itron a c'hGrand-Air a herberc'h izili an tiegezh Tampico ivez, dezhe da baeañ o chomadenn. C'hwiblaerien int e gwirionez, dedennet-kaer gant madoù ar re c'hGrand-Air kentoc'h. Klask a ra José, mab ar familh Tampico, lorbiñ Annie a c'hGrand-Air a gav gwelloc'h daremprediñ an doktor Chancerelle. Kuzhat a ra ar re Dampico o bizeier e kambr Bécassine da reiñ da grediñ int bet laeret digante. Tamallet eo al laeroñsi da Chancerelle, o lakaat Annie en dizesper. Dre chañs e tiskoach Bécassine ar voualc'h war he neizh ha gallout a ra an daou amourouz dimeziñ a-barzh fin ar gont.

Roll ar gomedianed pennañ

• Paulette Dubost : Annaig Labornez pe Bécassine,
• Alice Tissot : an itron markizez a c'hGrand-Air,
• Annie France : Annie a c'hGrand-Air,
• Max Dearly : an aotrou Adhémar de Proey-Minans,
• Daniel Clérice : José Tampico,
• Marguerite Deval : an itron Tampico,
• José Sergy : Chancerelle,
• Nita Raya : Arlette,
• Marcel Vallée : an eontr Coretin
• Roger Legris, René Navarre, Émile Ronet, Maurice Salabert, André Siméon.

Liammoù diavaez

• Bécassine war Internet Movie Database
• Bécassine war Cinémathèque de Bretagne
• Bécassine bannet e Douarnenez . E-touez an dud goulennataet e weler Per Denez).